سنبل کے چلےجانے سے دنیا اور زندگی دونوں ہی بے رنگ ہوگئی ہیں بشرٰی انصاری

0
28

سینئر اور لیجنڈری اداکارہ بشریٰ انصاری نے مرحومہ بہن سنبل شاہد کی یاد میں سوشل میڈیا پر ایک جذباتی پوسٹ شیئر کی ہے۔

باغی ٹی وی : اداکارہ بشریٰ انصاری نے اپنے تصدیق شدہ انسٹاگرام اکاؤنٹ پر یہ تصویر شیئر کی جو کہ سنبل شاہد کی جوانی کے دنوں کی ہے۔

مذکورہ تصویر میں اداکارہ سنبل شاہد کے ہمراہ ان کی دوسری بہن اور معروف مصنفہ نیلم احمد بشیر موجود ہیں۔

بشریٰ انصاری نے پوسٹ کے کیپشن میں بتایا کہ بائیں جانب سنبل جب کہ تصویر کے دائیں جانب نیلم موجود ہیں۔

انہوں نے جذباتی پیغام لکھا کہ دونوں بہنوں کی حسین جوڑی ٹوٹ گئی، تم ہمیں بہت یاد آتی ہو، تمہارے چلے جانے سے دنیا اور زندگی دونوں ہی بے رنگ ہوگئی ہیں۔

خیال رہے چند روز قبل پاکستان کی سینئر اداکارہ اور بشریٰ انصاری کی بہن سنبل شاہد دنیا سے رخصت ہو گئی تھیں، وہ ایک ماہ سے کورونا کے مرض میں مبتلا تھیں۔

سنبل آپا کی سُریلی آواز میں میڈم نور جہاں کے گیت سُن کر بڑی ہوئی ہوں تارہ محمود

Leave a reply