سپر ہاکی لیگ ،لاہور ڈولفنز اور لاہور لائینز کی ٹیموں نے اپنے اپنے میچز جیت لیے

0
29

لاہور، رانا ظہیر ہاکی اکیڈمی کے زیر اہتمام منعقد ہونے والے دوسری نائن اے سائیڈ سپر ہاکی لیگ میں مزید دو میچوں کا فیصلہ ہو گیا۔ لاہور ڈولفنز اور لاہور لائینز کی ٹیموں نے اپنے اپنے میچز جیت لیے۔ نیشنل ہاکی سٹیڈیم لاہور میں منعقدہ لیگ کے دوسرے روز پہلا میچ لاہور لائینز اور لاہور پینتھرز کی ٹیموں کے درمیان کھیلا گیا۔ جس میں لاہور لائینز نے ایک کے مقابلے چار گول سے کامیابی اپنے نام کی۔

فاتح ٹیم کی جانب سے کپتان رانا سہیل ریاض نے تین اور علی مرتضٰی نے ایک گول سکور کیا۔ لاہور پینتھرز کی جانب سے واحد گول کپتان احمد ندیم نے کیا۔ دوسرے میچ میں لاہور ڈولفنز اور لاہور ٹائیگرز کے درمیان سخت مقابلہ دیکھنے میں آیا۔ مقررہ وقت تک میچ ایک ایک گول سے برابر ہونے کی وجہ سے فیصلہ پنلٹی شوٹ آوٹ پر ہوا جس میں لاہور ڈولفنز نے تین کے مقابلے چار گول سے کامیابی اپنے نام کی۔ لیگ کے دوسرے روز ہونے والی میچز میں ڈی جی سپورٹس واپڈا ثقلین ظہور راجہ، سجاد رسول ڈائریکٹر جونیئر سکول ایچ سن کالج اور ڈائریکٹر ایڈمن میجر (ر) جاوید منج تھے۔

Leave a reply