اسلام آباد: سپریم کورٹ میں نئے ججز کی حلف برداری کی تقریب ملتوی کر دی گئی ہے، جس کی وجہ ججز کے نوٹیفکیشن میں تاخیر بتائی گئی ہے۔
ذرائع کے مطابق نئے ججز کی حلف برداری کی تقریب آج ہونا تھی لیکن اب یہ تقریب جمعہ کو ہوگی۔ذرائع کا کہنا ہے کہ اس تقریب میں چھ مستقل ججز اور ایک عارضی جج شامل تھے، جن کی حلف برداری آج متوقع تھی۔ تاہم وزارت قانون کی جانب سے نئے ججز کے تقرر کا نوٹیفکیشن رات گئے جاری کیا گیا، جس کی وجہ سے حلف برداری کی تقریب ملتوی کی گئی۔
اس کے علاوہ چیف جسٹس پاکستان یحییٰ آفریدی کی سربراہی میں سپریم کورٹ کے دو رکنی بینچ کی کازلسٹ بھی منسوخ کر دی گئی۔ جسٹس منصور علی شاہ کی سربراہی میں بینچ ٹو اب بینچ ون میں کیسز کی سماعت کرے گا۔چیف جسٹس یحییٰ آفریدی اور جسٹس شاہد وحید پر مشتمل بینچ کے سامنے 40 مقدمات سماعت کے لیے مقرر تھے، جن کی سماعت اب اس نئے ترتیب سے کی جائے گی۔
پیکا ترمیمی بل کے خلاف ملک بھر میں صحافیوں کا احتجاج،بھوک ہڑتالی کیمپ
