سپریم کورٹ،محکمہ پولیس میں سیاسی مداخلت سے تبادلے،آٹھ سالوں کا ریکارڈ طلب

سپریم کورٹ،محکمہ پولیس میں سیاسی مداخلت سے تبادلے،آٹھ سالوں کا ریکارڈ طلب
سپریم کورٹ ،محکمہ پولیس پنجاب میں سیاسی مداخلت پر تبادلوں سے متعلق کیس کی سماعت دو ہفتے تک ملتوی کر دی گئی

سپریم کورٹ نے پنجاب حکومت سے سیاسی مداخلت سے متعلق پولیس افسران کے تبادلوں پر جواب طلب کر لیا سپریم کورٹ نے درخواست گزار وکیل کی استدعا پر مقدمے کا دائرہ وفاق اور دیگر صوبوں تک وسیع کردیا عدالت نے وفاق اور باقی صوبوں سے بھی پولیس میں ٹرانسفر پوسٹنگ پر جواب طلب کر لیا عدالت نے وفاق اور صوبوں سے 8سال میں محکمہ پولیس میں ٹرانسفر پوسٹنگ کا ریکارڈ طلب کر لیا سپریم کورٹ نے دو ہفتے میں وفاق اور صوبوں کو جواب جمع کرانے کا حکم دے دیا

وکیل نے عدالت میں کہا کہ محکمہ پولیس میں سیاسی مداخلت پر افسران کے تبادلے عوامی اہمیت بنیادی حقوق کا معاملہ ہے ، چیف جسٹس عمر عطا بندیال نے ریمارکس دیتے ہوئے کہا کہ پولیس افسران کے تسلسل کیساتھ تبادلوں سے پولیس کمانڈ اور کارکردگی سے فرق پڑتاہے،وکیل نے کہا کہ پولیس افسران کے تبادلے سیاسی مداخلت اور اثر رسوخ سے ہوتے ہیں، چیف جسٹس عمر عطا بندیال نے ریمارکس دیتے ہوئے کہا کہ ڈی پی او لیہ کے تبادلہ سے متعلق ہیڈ لائن نہیں دیکھی،وکیل نے کہا کہ ڈی پی او لیہ کا تبادلہ مقامی سیاستدانوں کی مداخلت پر ایوان وزیر اعلی ٰسے ہوا، ڈیٹا کے مطابق پنجاب میں ڈی پی او کی اوسط ٹرم پانچ ماہ ہے،ڈیٹا کے مطابق 4 سال میں پنجاب میں 268 ڈی پی اوز کے تبادلے ہوئے،جسٹس عائشہ ملک نے وکیل سے استفسار کیا کہ یہ اعدادوشمار آپ نے کہاں سے حاصل کیے؟ وکیل نے عدالت میں کہا کہ یہ اعدادوشمار سی پی آفس سے حاصل کیے ہیں،دوران سماعت جسٹس اطہرمن اللہ نے ریمارکس دیتے ہوئے کہا کہ پولیس میں سیاسی تبادلوں سے کریمینل جسٹس سسٹم کی کارکردگی پر فرق پڑتا ہے،ان حالات میں افسران میں سیاسی اثرو رسوخ سے اعلی ٰعہدے حاصل کرنے کا رحجان بڑھتا ہے،

چیف جسٹس عمر عطا بندیال نے ریمارکس دیتے ہوئے کہا کہ وکیل درخواست گزار کے مطابق یہ معاملہ پنجاب تک محدود نہیں،اسلام آباد کے سابق آئی جی بڑے پڑھے لکھے اور سنجیدہ افسر تھے،سابق آئی جی اسلام آبادنےسندھ ہاوس پر حملہ کے معاملے کو اچھے انداز میں ڈیل کیا سابق آئی جی اسلام آباد بھی تبدیل ہوگئے،

احتساب سب کا ہو گا،وقت دیتے ہیں، ذمہ داران کا تعین کر کے عدالت کو بتائیں، چیف جسٹس اسلام آباد ہائیکورٹ

اہم پوسٹوں پر سیاسی مداخلت ناقابل برداشت ہے،چیف جسٹس لاہور ہائیکورٹ کے ریمارکس

وزیراعظم فلڈ ریلیف اکاؤنٹ 2022 میں عطیات جمع کرانے کی تفصیلات

اتنی تباہی کہ اللہ کی پناہ،آنکھوں دیکھا حال،دل خون کے آنسو روتا ہے

تحریک انصاف میں پھوٹ پڑ گئی، فرح گوگی کی کرپشن کی فیکٹریاں بحال

عمران خان کو آرمی چیف سے کیا چاہئے؟ مبشر لقمان نے بھانڈا پھوڑ دیا

عمران خان سے ڈیل کی حقیقت سامنے آ گئی

دھویں دار مخبریاں، عمران خان نے اپنا کباڑہ کر لیا، نواز شریف کیلیے بری خبر