بھارتی ادکار سوشانت سنگھ راجپوت کے بعد ایک اوربالی وڈ اداکار سشیل گودا نے خودکشی کرلی۔

باغی ٹی وی :بھارتی میڈیا رپورٹس کے مطابق بھارت کی مقامی شوبز انڈسٹری کے اداکار سشیل گودا نے ریاست کرناٹکا کے علاقے مندیا میں اپنے گھر پر خودکشی کرلی خود کشی کی وجہ تاحال سامنے نہیں آسکی-

ٹائمز آف انڈیا کی رپورٹ کے مطابق سشیل گودا نے کاننادا انڈسٹری کی شہرہ آفاق سیریل’ انتھاپور‘ میں زبردست اداکاری کر کے شہرت کی بلندیوں کو چھو لیا تھا بعد ازاں انہیں فلموں میں کام کرنے کا موقع بھی ملا اُن کی فلم سلاگا بھی کافی ہٹ ہوئی-

سشیل بھارت کی مقامی انڈسٹری کاننادا کے لیے کام کرتے تھے، اُن کی موت پر ساتھی اداکاروں نے افسوس کا اظہار کیا اور اداکار کو خراج عقیدت بھی پیش کیا ہے۔

اداکار امیتا رانگناتھ جو سشیل کے ساتھ ایک ڈرامے میں کام کرچکے ہیں انہوں نے سماجی رابطے کی ویب سائٹ پر افسوسناک خبر سناتے ہوئے لکھا کہ جب میں صبح سو کر اٹھا تو سشیل کی خودکشی کی خبر سُن کر حیران رہ گیا۔

فلم سلاگا کے ڈائریکٹر انتھا پورا نے بھی خودکشی کو افسوسناک قرار دیتے ہوئے لکھا کہ ہم ایک باصلاحیت اداکار سے محروم ہوگئے ہیں۔

واضح رہے کہ گزشتہ ماہ 4 جون کو بالی وڈ کے نوجوان اداکار سوشانت سنگھ نے بھی خودکشی کرلی تھی اُن کے دوستوں کا کہنا ہے کہ شدید ڈپریشن کا شکار تھے۔

میڈیا رپورٹس کے مطابق بھارتی فلم انڈسٹری کے لیے یہ سال بہت بھاری ثابت ہوا ہے رواں سال نامور بالی وڈ اسٹار عرفان خان، رشی کپور اور میوزک کمپوزر ساجد خان انتقال کرگئے تھے۔

اس کے علاوہ سلمان خان کے ساتھ فلم’ریڈی ‘ میں کام کرنے والے مزاحیہ اداکار موہیت بگہیل 27 برس کی عمر میں چل بسے اس سے قبل بالی وڈ کی مشہور فلم پی کے میں عامر خان کے ساتھ کام کرنے والے اداکار کینسر کی وجہ سے انتقال کرگئے تھے-اور ٹک ٹاک ویڈیو میں 11 لاکھ فالورز رکھنے والے نوعمر نوجوان لڑکی کی لاش اور انسٹاگرام پر 1.27 لاکھ سے زیادہ ،فالورز رکھنے والی لڑکی سیا ککڑ کی لاش گیتا کالونی میں موجود پہلی منزل پر اس کے بیڈروم میں لٹکی ہوئی ملی تھی-

جبکہ گزشتہ ہفتےبالی وڈ کی معروف کوریوگرافر سروج خان بھی دل کی دھڑکن بند ہونے کے باعث ممبئی کے مقامی اسپتال میں انتقال کرگئیں تھیں۔

بھارتی اداکار سوشانت سنگھ راجپوت نے خودکشی کر لی

ایک اور بھارتی اداکار رشی کپور چل بسے

بالی وڈ کے معروف میوزک ڈائریکٹر کرونا کی وجہ سے جاں بحق

عرفان خان کے انتقال پر پاکستانی فنکاروں کا افسوس کا اظہار

معروف کامیڈین جگدیپ ممبئی میں81 برس کی عمر میں انتقال کر گئے

بھارت کی نامورکوریوگرافرسروج خان چل بسیں

17 سالہ بھارتی ٹِک ٹا ک اسٹار نے خود کشی کر لی