شام کے دارالحکومت میں اسرائیل کا چوبیس گھںٹوں میں دو سرا حملہ

شام کے دارالحکومت میں اسرائیل کے چوبیس گھںٹوں میں دو حملے کئے ہیں-

باغی ٹی وی : شامی میڈیا کے مطابق گذشتہ 24 گھنٹوں میں دوسری بار شام میں اسرائیل نے اہداف پر حملے کیے ہیں جمعرات کی صبح دارالحکومت دمشق اور اس کے دیہی علاقوں کی فضا میں دھماکوں کی آوازیں سنی گئیں۔

خبروں میں حوالہ دیا کہ حکومت کے فضائی دفاع نےنصف شب کے بعد دارالحکومت کے آس پاس میں اسرائیلی میزائل حملوں کا جواب دیا اہم ان حملوں میں کسی قسم کے جانی نقصان کی اطلاع نہیں ملی۔

روس کا یو کرین پر حملہ:اسٹاک مارکیٹیں کریش کر گئیں

قبل ازیں شامی میڈیا نےاسرائیل نے قنیطرہ گورنری کے آس پاس کے علاقے میں حملے کرنے کا دعویٰ کیا تھا مگر بعض ذرائع نے اس کی تردید کی ہےبدھ کے روز ایک فوجی ذرائع کے حوالے سے مزید کہا کہ اسرائیلی حملے سے مادی نقصان ہوا۔

ایک فوجی بیان کے مطابق آج بدھ کی صبح سویرے اسرائیلی حملے میں گورنری کے آسپاس کے مقامات کو نشانہ بنایا گیا قنیطرہ اسرائیل کی سرحد کے قریب ملک کے جنوب مغرب میں واقع ہے یہاں پر ہونے والے مبینہ اسرائیلی حملوں میں غیرمعمولی نقصان پہنچنے کی اطلاعات ہیں-

واضح رہے کہ اسرائیلی حملوں میں اکثر دمشق کے آس پاس یا شام عراقی سرحد کے قریب کے علاقوں کو نشانہ بنایا جاتا ہے جہاں ایرانی حمایت یافتہ ملیشیاؤں کی سب سے زیادہ متحرک تعداد موجود ہے۔

روس کا حملہ یورپ میں بڑی جنگ کا آغاز بن سکتا ہے،یوکرینی صدر

اسرائیلی حکومتوں نے کئی سال سے بارہا اعلان کیا ہے کہ وہ سرحدوں پر ایرانی ملیشیا، خاص طور پر حزب اللہ کی توسیع کو برداشت نہیں کرے گا کیونکہ تل ابیب کی سلامتی کو اس سے خطرہ ہے۔

دوسری جانب گزشتہ روز فلسطین میں مقبوضہ مغربی کنارے میں اسرائیلی فوج کی فائرنگ کے نتیجے میں ایک 14 سالہ فلسطینی نوعمر محمد شہادہ شہید ہو گیا تھا فلسطینی وزارت کے مطابق محمد شہادہ کو بیت لحم کے قریب موجود قصبے الخضر میں اسرائیلی فوج کی گولیوں کا نشانہ بنایا گیا تھا۔

اسرائیلی فوج کے بیان کے مطابق فوجیوں نے ٹریفک پر پٹرول بم پھینکنے کی مبینہ کوشش کرنے والے تین ملزمان پر فائرنگ کی جس کے نتیجے میں ایک ملزم موقع پر ہلاک ہوگیا اس علاقے میں گزشتہ ماہ کے دوران اسرائیلی فوجیوں پر سات پٹرول بم حملے ہوچکے ہیں۔

اسرائیلی قانون کے مطابق پتھرائو اور پٹرول بم حملے جان لیوا کارروائیوں میں شمار ہوتے ہیں جس کے جواب میں اسرائیلی فوج کو فائرنگ کرنے کی اجازت دی گئی ہے انسانی حقوق کے گروپ اکثر اسرائیلی فوج کو طاقت کےبے جا استعمال پر تنقید کا نشانہ بناتے ہیں۔

امریکا کا وزیراعظم عمران خان کے دورہ روس پر تبصرہ کرنے سے گریز