fbpx

’‘ٹٴْک ٹٴْک مارچ‘‘کے نام سے تقریب میں فنکاروں کی شرکت

ٹٴْک ٹٴْک مارچ ایک این جی اوکی جانب سے شروع کی گئی رکشہ سواری ہے جسے معذور افراد کے لیے شروع کیا گیا ہے۔ تفصیلات کے مطابق پاکستانی شوبز انڈسٹری سے تعلق رکھنے والے متعدد فنکاروں نے حال ہی میں ’ٹٴْک ٹٴْک مارچ‘ کے نام سے ہونے والی ایک تقریب میں شرکت کی۔ جن میں ماہرہ خان، ہمایوں سعید، بلال اشرف، ایچ ایس وائے، صنم سعید، فیروز خان، مایا علی اور عائشہ عمر سمیت پاکستانی شوبز انڈسٹری کے دیگر فنکار شامل تھے۔ پاکستانی فنکاروں کی اس تقریب میں شرکت کا مقصد یہ تھا کہ معذور افراد بھی اس معاشرے کا حصہ ہیں، انہیں کمتر نہ سمجھا جائے اور ان کے ساتھ سفر کرتے ہوئے کسی قسم کا خوف محسوس نہ کیا جائے۔ تقریب میں شریک اداکار فیروز خان کا ایک معذور کیپٹن کے ساتھ رکشے پر سواری کرتے ہوئے کہنا تھا کہ میں بہت پرجوش اور بہت خوش ہوں کہ ہم ان جیسے لوگوں کے لیے کچھ کر رہے ہیں۔فیروز خان نے کراچی کے شہریوں اور اپنے چاہنے والوں سے اپیل کی کہ وہ باہر نکلیں اور ان رکشہ ڈرائیورز پر بھروسہ کریں، ان کے ساتھ سفر کرتے ہوئے فکرمند نہ ہوں، مجھے امید ہے کہ آپ ان کے ساتھ اور یہ (رکشہ ڈرائیورز) آپ کے ساتھ خود کو محفوظ سمجھیں گے۔

جواب چھوڑیں

آپ کا ای میل ایڈریس شائع نہیں کیا جائے گا.