fbpx

ٹی 20 ورلڈ کپ :نیوزی لینڈ کا اسکاٹ لینڈ کو جیت کے لیے 173 رنز کا ہدف

دبئی:ٹی 20 ورلڈ کپ :نیوزی لینڈ کا اسکاٹ لینڈ کو جیت کے لیے 173 رنز کا ہدف،اطلاعات کے مطابق ٹی ٹوئنٹی ورلڈکپ کے گروپ 2 میں آج کھیلے جارہے پہلے میچ میں نیوزی لینڈ نے اسکاٹ لینڈ کو جیت کے لیے رنز کا 173ہدف دیا ہے۔

اسکاٹ لینڈ نے ٹاس جیت کر نیوزی لینڈ کو بیٹنگ کی دعوت دی جس کا کیویز ٹیم نے بھرپور فائدہ اٹھایا اور مقررہ 20 اوورز میں 5 وکٹوں کے نقصان پر 172رنز بنائے۔

نیوزی لینڈ کی جانب سے مارٹن گپٹل نے 93 رنز کی اننگز کھیلی جب کہ گلین فلپس نے 33 رنز بنا کر ان کا بھرپور ساتھ دیا۔

اسکاٹ لینڈ کے براڈ ویل اور صفیان شریف نے دو دو جب کہ مارک واٹ نے ایک کھلاڑی کو آؤٹ کیا۔

ادھر ٹی 20 ورلڈ کپ کے اہم میچ میں آج شام افغانستان اور بھارت ابو ظبی میں آپس میں ٹکرائیں گی۔

خیال رہے کہ اس وقت اسکاٹ لینڈ گروپ 2 کے پوائنٹس ٹیبل پر آخری نمبر پر ہے جب کہ نیوزی لینڈ 1 میچ جیت کر دو پوائنٹس کے ساتھ تیسرے نمبر پر ہے۔

Facebook Notice for EU! You need to login to view and post FB Comments!