fbpx

ٹی 20 ورلڈکپ: جنوبی افریقا آؤٹ،سیمی فائنل میں پاکستان کا آسٹریلیا سےمقابلہ

لاہور:ٹی 20 ورلڈکپ: جنوبی افریقا آؤٹ،سیمی فائنل میں پاکستان کا آسٹریلیا سے ٹاکرا،اطلاعات کے مطابق ٹی 20 ورلڈکپ کے ناک آؤٹ مرحلے کے دوران پاکستان کا مقابلے آسٹریلیا کے ساتھ ہو گا۔جنوبی افریقہ کی ٹیم کی ہار نے سارے ضابطے ہی بدل دیئے

تفصیلات کے مطابق انگلینڈ گروپ ون میں سرفہرست ہے جبکہ آسٹریلیا کی دوسری پوزیشن ہے، گروپ 2 میں پاکستان کی حکمرانی برقرار ہے جبکہ اتوار کو اس نے اپنا میچ سکاٹ لینڈ کے ساتھ کھیلنا ہے۔

نیوزی لینڈ اور افغانستان کے درمیان میچ میں فیصلہ ہو گا کونسی ٹیم اس گروپ میں نمبر ٹو کی پوزیشن پر آ گئی، اگر نیوزی لینڈ افغانستان کو شکست دیتا ہے، تو با آسانی کوالیفائی کر جائے گا اور بھارت خالی ہاتھ گھر واپس جائے گا

یہ بھی کہا جارہا ہے کہ اگر نبی الیون اگر کیویز کو پچھاڑ دیتے ہیں تو رن ریٹ کی بنیاد پر افغانستان کا مقابلہ بھارت کے ساتھ آئے گا، اس وقت کوہلی الیون کا رن ریٹ افغان ٹیم سے بہت بہتر ہے۔

یاد رہے کہ آسٹریلیا نے آج پہلے میچ میں ویسٹ انڈیز کو با آسانی ہرا دیا ہے۔ جس کے بعد وہ اپنے گروپ میں ٹاپ ٹو کی پوزیشن پر آ گیا ہے۔

اگر جنوبی افریقا اور انگلینڈ کے درمیان جاری میچ کے دوران پروٹیز ٹیم نے مورگن الیون کو 131 رنز سے قبل آؤٹ کر لیتی تو جنوبی افریقی ٹیم نے رن ریٹ کی بنیاد پر کوالیفائی کر جانا تھا۔

آئی سی سی کے مطابق 10 نومبر کو پہلا سیمی فائنل ابوظہبی میں ہوگا اور اگلے روز 11 نومبر کو دبئی میں دوسرا سیمی فائنل کھیلا جائے گا جب کہ ایونٹ کا فائنل 14 نومبر کو دبئی میں کھیلا جائے گا۔

Facebook Notice for EU! You need to login to view and post FB Comments!