تبو نے اپنے’سنگل اسٹیٹس‘ کی وجہ اجے دیوگن کر قرار دیا

بھارتی فلم انڈسٹری کی سنیئر اداکارہ ’تبسم فاطمہ ہاشمی‘ عرف تبو نے اپنے ’سنگل اسٹیٹس‘ کی وجہ اجے دیوگن کر قرار دیا ہے۔

باغی ٹی وی :بالی وڈ کی سینئیر اداکارہ تبو نے گزشتہ روز اپنی 50 ویں سالگرہ منائی اداکارہ تاحال غیرشادی شدہ ہیں جس کے بارے میں انہوں نے اپنے ایک انٹر ویو میں انکشاف کیا تھا کہ بالی وڈ سُپراسٹار اجے دیوگن کی وجہ سےابھی تک ان کی شادی نہیں ہو سکی-

اپنی فلم ’دے دے پیار دے‘ کی پروموشن کے دوران ایک انٹرو ویو میں کہنا تھا کہ اُن کے ابھی تک غیر شادی شُدہ ہونے کی وجہ اُن کے بہترین دوست اجے دیوگن ہیں وہ اور اجے ایک دوسرے کو 13 یا 14 سال کی عمر سے جانتے ہیں وہ دونوں ایک ہی کالونی میں رہتے تھے اور دونو ں کے دوستوں کا گروپ بھی ایک ہی تھا۔

تبو نے ہنستے ہوئے بتایا کہ اجے اُن کےبھائی اور بہترین دوست ہیں اجے اور اُن کے ایک کزن سمیر آریا نے اُن کے دوستوں کے گروپ کے دیگر لڑکوں کو خبر دار کر رکھا تھا کہ کوئی بھی اُن کی(تبو) طرف نہ دیکھے اور نہ کوئی انہیں پروپوز کرے اجے اور سمیر نے سب کو دھمکا کر رکھا ہوا تھا کہ کوئی اُن کی طرف دیکھے گا بھی تو اجے اور سمیر اُسے چھوڑیں نہیں گے۔

اداکارہ نے مزید کہا کہ اجے اور سمیر اُن کی جاسوسی کرتے تھے اور جو کوئی بھی اگر اُن سے بات کرنے کی کوشش کرتا تھا تو اجے اور سمیر اُس کی پٹائی کر دیتے تھے تبو نے اجے دیوگن اور اپنے کزن کو غنڈے قرار دیتے ہوئے کہا کہ اگر وہ آج اکیلی ہیں تو اس کی بڑی وجہ اجے اور سمیر ہیں ۔

تبو کا ہنستے ہوئے کہنا تھا کہ وہ امید کرتی ہیں کہ اجے نے جو کیا وہ اس پر پچھتاتے اور توبہ کرتے ہوں گے تبو نے مذاق میں اجے سے کہا کہ اب انہیں ایک لڑکا ڈھونڈ دیں-

تبو نے مزید کہا کہ وہ اور اجے آج بھی بہت اچھے دوست ہیں اُن کی دوستی ایک ساتھ کام کر کے مزید گہری ہو گئی ہے جب اجے سیٹ پر موجود ہوتے ہیں تو سیٹ کا ماحول بالکل ٹینشن فری ہوتا ہے وہ اجے کو اپنی زندگی میں بہت اہمیت دیتی ہیں۔

واضح رہے کہ اداکارہ تبّو نے کل اپنی 50 ویں سالگرہ منائی اُن کی سالگرہ کے موقع پر انہیں بھارت سمیت دنیا بھر سے مداحوں کی جانب سے خوب مبارکبادیں اور نیک تمنائیں موصول ہوئیں تبّو نے انسٹا گرام اکاؤنٹ پر ایک پوسٹ کے ذریعے اپنے مداحوں اور فالوورز کا شکریہ ادا کیا گیا ہے۔انکشاف کیا ہے کہ اجے دیوگن کی وجہ سےابھی تک ان کی شادی نہیں ہو سکی۔

جواب چھوڑیں

آپ کا ای میل ایڈریس شائع نہیں کیا جائے گا.