Tag: Pakistan cities

وزیر دفاع خواجہ آصف نے امریکی جریدےکو انٹرویو دیتے ہوئے کہا کہ بعض اوقات ہمارے لیے بڑی عالمی طاقتوں سے تعلقات میں توازن رکھنا مشکل ہو جاتا ہے، امریکا کو ہمیں ایسی صورتحال میں نہیں دھکیلنا چاہیے جہاں ہمیں مشکل انتخاب کرنے پڑیں۔ جبکہ خواجہ آصف کا کہنا تھا ہم امریکا سے تعلقات کو اہمیت دیتے ہیں اور چاہتے ہیں کہ یہ رشتہ پھلے پھولے، پاکستانی مفادات کو ٹھیس نہ پہنچانے والی امریکا بھارت شراکت داری سے ہمیں کوئی مسئلہ نہیں ہے۔

وزیر دفاع کا کہنا تھا پاکستان اور چین کے درمیان 6 دہائیوں پر مشتمل دیرینہ تعلقات ہیں، ہماری چین، افغانستان، ایران اور بھارت کے ساتھ مشترکہ سرحدیں ہیں، ہم ان ممالک سے اچھے تعلقات کے خواہاں ہیں۔ تاہم یاد رہے کہ چند روز قبل وزیر مملکت برائے خارجہ امور حنا ربانی کھر نے بھی ایک بیان میں کہا تھا کہ پاکستان کو امریکا یا چین میں سے کسی ایک کا انتخاب کرنے کا نہ کہا جائے، واشنگٹن اور بیجنگ کے درمیان بڑھتی ہوئی دشمنی میں پاکستان کسی ایک فریق کو چُننے کی خواہش نہیں رکھتا۔
مزید یہ بھی پڑھیں؛
کشتی حادثہ پر مریم نواز کا ردعمل
حکومت نے عام انتخابات کیلئے حتمی مشاورت کا فیصلہ کرلیا
سفر محفوظ بنانے کیلئے موٹروے پولیس مزید بہتر اقدامات کرے. صدر استحکام پارٹی
فیصلوں کی ذمہ داری سب پر عائد ہوتی. احسن اقبال
ذو الحج 1444 ہجری کا چاند دیکھنے کے لیے اجلاس طلب
سرکاری اسپتالوں میں ہومیوپیتھک ڈاکٹر بھرتی کرنےکا نوٹیفیکیشن جاری
حنا ربانی کھر کا اپنے انٹرویو میں یہ بھی کہنا تھا کہ امریکا چین تنازع کے اثرات کے بارے میں پاکستان فکرمند ہے، دنیا کو دو بلاکوں میں تقسیم کرنے کے تصور سے ہمیں خطرہ ہے، دنیا کو مزید تقسیم کرنے والی کوئی بھی چیز قابل تشویش ہے۔

مسلم لیگ ن کی سینئر مرکزی نائب صدر اور چیف آرگنائزر مریم نواز نے کہا ہے کہ انسانی جانوں سے کھیلنے والے انسانی اسمگلرز کو قرار واقعی سزا دی جائے گی۔جبکہ مریم نواز نے یونان میں کشتی ڈوبنے سے پاکستانی کے جاں بحق ہونے پر اظہار افسوس کیا اور متاثرہ خاندانوں سے دلی ہمدردی اور تعزیت کا اظہار کیا ہے۔

جبکہ اپنے ایک بیان میں انہوں نے یوم سوگ منانے کیلئے وزیراعظم شہباز شریف کے فیصلے کا خیرمقدم کیا اور آخر میں مریم نواز نے جاں بحق افراد کی مغفرت اور اہلخانہ کے لیے صبر جمیل کی دعا کی۔ جبکہ دوسری جانب یونان میں تارکین وطن کی کشتی ڈوبنے کے سانحے میں زندہ بچ جانے والے 12 خوش قسمت پاکستانیوں کے نام سامنے آگئے۔

زندہ بچ جانے والوں کا تعلق کوٹلی آزاد کشمیر، گوجرانوالا، گجرات، شیخوپورہ، منڈی بہاؤالدین اور سیالکوٹ سے ہے۔ پاکستانی سفارت کار نے نجی ٹی وی سے گفتگوکرتے ہوئے بتایا کہ بچنے والے پاکستانیوں میں کوٹلی کے محمد عدنان بشیر،حسیب الرحمن، گوجرانوالہ کے محمد حمزہ، ذیشان سرور اور گجرات کے عظمت خان اور عثمان صدیق شامل ہیں۔

اس کے علاوہ شیخوپورہ کے محمد سنی اور زاہد اکبر، منڈی بہاؤالدین کے مہتاب علی اور سیالکوٹ کے راناحسین، عرفان احمد اور عمران آرائیں بھی زندہ بچ جانے والے خوش قسمت افراد میں شامل ہیں۔ پاکستانی حکام کا کہنا ہے کہ حادثے میں جاں بحق افراد کی لاشیں ناقابل شناخت، لاشوں کی شناخت کے لیے لواحقین کے ڈی این اے سیمپل لے لیے گئے ہیں اور بچ جانے والے افراد کا ان کے اہلخانہ سے رابطہ کروا دیا گیا ہے۔

پاکستانی سفارتی عملے کا بتانا ہے کہ کشتی حادثے میں لاپتہ ہونے والے افراد کے لیے کئی روز سے جاری ریسکیو آپریشن بھی اب بند کر دیا گیا ہے، ادھر وزیر اعظم شہباز شریف نے نوجوانوں کو غیر قانونی طور پر یورپ بھیجنے اور انسانی اسمگلنگ میں ملوث گینگ کے خلاف گھیرا تنگ کرنے کا حکم دیا جس پر فوری ایکشن لیتے ہوئے آزاد کشمیر سے 10 ایجنٹس کو گرفتار کر لیا گیا، گرفتار افراد میں ایک ایجنٹ کا بیٹا بھی کشتی حادثے میں جاں بحق ہوا۔

حادثے میں لاپتہ ہونے والے 50 سے زیادہ پاکستانیوں کا تاحال پتا نہیں چل سکا ہے، لاپتہ افراد میں 28 افراد کا تعلق آزاد کشمیر کے علاقے کھوئی رٹہ کے گاؤں بنڈل سے ہے، کشتی حادثے میں لاپتا ہونے والوں میں 16 افراد کا تعلق گوجرانوالا، 12 افراد کا تعلق سیالکوٹ اور 6 کا گجرات سے ہیں۔ جبکہ لاپتہ نوجوانوں کے گھر والے غم سے نڈھال ہیں اور اہل خانہ کے مطابق انھیں کچھ علم نہیں کہ ان کے بچے کہاں ہیں، سرکاری سطح پر کسی نے رابطہ نہیں کیا، اب تک ایف آئی آر بھی درج نہیں ہوئی۔
مزید یہ بھی پڑھیں؛
حکومت نے عام انتخابات کیلئے حتمی مشاورت کا فیصلہ کرلیا
سفر محفوظ بنانے کیلئے موٹروے پولیس مزید بہتر اقدامات کرے. صدر استحکام پارٹی
فیصلوں کی ذمہ داری سب پر عائد ہوتی. احسن اقبال
ذو الحج 1444 ہجری کا چاند دیکھنے کے لیے اجلاس طلب
سرکاری اسپتالوں میں ہومیوپیتھک ڈاکٹر بھرتی کرنےکا نوٹیفیکیشن جاری

سی ٹی ڈی کی کارروائی، بینک کی کیش وین کو لوٹنے میں ملوث ملزم گرفتار
یونان حکومت نے کشتی حادثے کی ابتدائی تحقیقات سے متعلق معلومات پاکستان کو فراہم کر دی ہیں، معلومات کے مطابق ڈوبنے والی کشتی 9 جون کو لیبیا کے شہر بن غازی سے اٹلی کے لیے روانہ ہوئی تھی، یونان کے علاقے پلاس کے قریب 14 جون کو حادثہ پیش آیا، حادثے کا مقام یونان کی حدود میں پانچ کلومیٹر گہرائی والے فشنگ ایریا کے قریب ہے۔ علاوہ ازیں تارکین وطن کی ڈوبنے والی کشتی کا مالک مصری ہے، کشتی میں پاکستانی، شام اور لیبیا کے افراد سوار تھے، حادثے کے بعد ہیلی نک کوسٹ گارڈ نے 12 پاکستانیوں سمیت 104 افراد کو ریسکیو کیا۔

جبکہ باغی ٹی وی ذرائع کے مطابق ضلع گجرات کے ذیل افراد کشتی میں سوار تھے
علاقہ تھانہ کنجاہ
1.عبداللہ ولد عبد العزیز قوم۔گجر سکنہ گولیکی
2.عبد اللہ ولد آ فتاب احمد قوم جٹ سندھو سکنہ گولیکی
3۔محدوم صادق ولد محمد صادق قوم جٹ سکنہ گولیکی
4.حامد ولد محمد اکرم قوم جٹ سکنہ گولیکی
5۔اسامہ ولد مح۔د طارق قوم جٹ سکنہ گولیکی
6۔داود شہزاد ولد رحمدین قوم جٹ سکنہ گولیکی
7.عامرولد یوسف قوم انصاری سکنہ قاسم آباد
8.حماد ولد محمد صدیق قوم جٹ وڑائچ سکنہ قاسم آباد
9.خرم بٹ ولد ارشد قوم بٹ سکنہ قاسم آباد
10.ابوزر ولد پرویز قوم مہاجر سکنہ ٹاہلی صاحب
11.شمشیر علی ولی محمد قوم مہاجر سکنہ ٹاہلی صاحب
12.سیدعمران علی ولد سید قمر عباس قوم سید سکنہ کوٹ قطب دین
13.علی ولد امتیاز قوم رحمانی سکنہ کوٹ قطب دین
14.توقیر ولد صوفی محمد اسلم قوم
گوندل سکنہ نتھو کوٹ
( تھانہ شاہین چوک )
15۔ علی رضا ولد جعفر حسین سکنہ محلہ امین آباد گجرات( لا پتہ )
16۔ رحمان علی ولد محمد ضیاء سکنہ نارووالی (لا پتہ )
( تھانہ صدر گجرات )
17۔ عثمان ظفر ولد محمد ظفر سکنہ دیڈر
18۔ علی سرور ولد محمد سرور سکنہ دیڈر
19۔ عثمان اختر ولد محمد اختر سکنہ دیڈر

(تھانہ ڈنگہ )
20۔ عمران ولد حیات سکنہ نور جمال
21۔ علی حیدر ولد پلے خان سکنہ نور جمال
22۔ افضل حیات ولد فضل حسین سکنہ نور جمال
23۔ منیر ولد اسلام ٹھیکیدار سکنہ نور جمال
24۔ قاسم ولد طالب ٹھیکیدار سکنہ نور جمال
25۔ شمریز ولد احمد خاں سکنہ نور جمال
26۔ آفتاب ولد زاہد سکنہ نور جمال
27۔ میاں بوٹا ولد میاں رحمت سکنہ نور جمال
28۔ بابر ولد پہلو سکنہ نور جمال
29۔ میاں عبدالجبار ولد میاں اسماعیل سکنہ نور جمال
30۔ میاں عبدالغفار ولد میاں اسماعیل سکنہ نور جمال

( تھانہ رحمانیہ )
31۔ سمیع اللہ ولد شاھد اقبال سکنہ دھول سرائے
32۔ اویس ولد عبدالرزاق سکنہ دھول سرائے
33۔ علی حسن ولد ندیم حیسن سکنہ دھول سرائے
34۔ حمزہ ولد اختر حسین سکنہ کوٹ بیلہ
( لا پتہ )
( تھانہ ککرالی )
35۔ علی حمزہ ولد خادم حسین سکنہ بٹر
36۔ راجہ سلمان ولد راجہ اقبال سکنہ سنگلا
37۔ عثمان ولد شبیر سکنہ راجپور

( تھانہ بولانی )
38۔ شبیر احمد ولد بشیر احمد سکنہ گوریاں
39۔ شعیب بیگ ولد محمد شریف سکنہ گوریاں
40۔ اسد بیگ ولد ارشد بیگ سکنہ گوریاں
41۔ مرزا موبین ولد محمد حنیف سکنہ گوریاں
42۔ جواد اصغر ولد اصغر علی سکنہ تہیال
43۔ محمد علی ولد الطاف حسین سکنہ ڈاک تہیال
44۔ ذیشان ولد الطاف حسین سکنہ معصوم پور
45۔ تجمل حسین ولد مزمل حسین سکنہ معصوم پور
46۔ عدنان ولد عارف حسین سکنہ معصوم پور
47۔ عرفان ولد مہربان سکنہ معصوم پور

پی ڈی ایم حکومت نے بجٹ منظوری کے بعد عام انتخابات منعقد کرنے کیلئے حتمی مشاورت کا فیصلہ کر لیا ہے جبکہ قومی اسمبلی آئینی مدت پر تحلیل کی جائے یا وقت سے پہلے حکمران اتحاد نے بجٹ منظوری کے بعد عام انتخابات منعقد کرنے کیلئے حتمی مشاورت کا فیصلہ کر لیا ہے۔

نجی ٹی وی کے ذرائع کا کہنا ہے کہ وزیر اعظم شہباز شریف، مولانا فضل الرحمان اور بلاول زرداری کی ملاقاتوں میں فیصلہ ہوا ہے کہ بجٹ سیشن اور عیدالاضحیٰ کے بعد عام انتخابات کے حوالے سے حتمی مشاورت کا عمل شروع ہو جائے گا۔ جس کے بعد ہی انتخابات کے انعقاد بارے کوئی حتمی لائحہ عمل واضح کیا جائے گا.
مزید یہ بھی پڑھیں؛
سفر محفوظ بنانے کیلئے موٹروے پولیس مزید بہتر اقدامات کرے. صدر استحکام پارٹی
فیصلوں کی ذمہ داری سب پر عائد ہوتی. احسن اقبال
ذو الحج 1444 ہجری کا چاند دیکھنے کے لیے اجلاس طلب
سرکاری اسپتالوں میں ہومیوپیتھک ڈاکٹر بھرتی کرنےکا نوٹیفیکیشن جاری

سی ٹی ڈی کی کارروائی، بینک کی کیش وین کو لوٹنے میں ملوث ملزم گرفتار

تاہم ذرائع کا دعویٰ ہے کہ حکمران اتحاد میں آئینی مدت ختم ہوتے ہی الیکشن انعقاد پر اصولی اتفاق ہوگیا ہے، تاہم قومی اسمبلی 12 اگست کو تحلیل ہوگی یا چند روز پہلے، اس حوالے سے تبادلہ خیال جاری ہے۔ جبکہ ذرائع کے مطابق ن لیگ کی قیادت بھی جلد نوا شریف سے مشاورت کرے گی، جب کہ عارف علوی کی مدت صدارت ختم ہونے کے بعد کی صورتحال پر بھی مشاورت ہوگی۔

مسلم لیگ ن کے رہنما اور وفاقی وزیر احسن اقبال نے بجٹ پر چیئرمین پیپلزپارٹی بلاول بھٹو کی تنقید کا جواب دیتے ہوئے کہا ہے کہ بجٹ میں جتنا حصہ ہمارا ہے اتنا ہی تمہارا ہے، فیصلوں کی ذمہ داری سب پر عائد ہوتی ہے۔ جبکہ واضح رہے کہ اتحادی حکومت ختم ہونے کے دن جیسے جیسے قریب آرہے ویسے ہی تیزی کے ساتھ ماضی کے ساتھی اب ایک دوسرے کے حریف بنتے جارہے ہیں، اور اتحادیوں نے ایک دوسرے پر لفظی گولا باری شروع کردی ہے۔

گزشتہ روز وزیر خارجہ اور پیپلزپارٹی کے چیئرمین بلاول بھٹو زرداری نے حالیہ بجٹ پر وزیراعظم اور اتحادیوں پر تنقید کے تیر برساتے ہوئے کہا کہ اس بجٹ میں پیپلز پارٹی کا کردار کم ہے، اس میں بہت سی خامیاں ہیں، بجٹ میں سیلاب متاثرین کے لئے رقم نہیں رکھی گئی، اور وزیراعظم کی ٹیم میں موجود لوگ وعدے پورے نہیں کر رہے۔ دوسری جانب لیگی رہنما اور وفاقی وزیر منصوبہ احسن اقبال نے بھی بلاول بھٹو کے بیان پر جوابی باؤنسر مارتے ہوئے کہا کہ پالیسی کے کسی بھی فیصلے میں تمام اتحادیوں کی رائے شامل ہوتی ہے، بجٹ کی تیاری میں تمام اتحادیوں کو شریک رکھا گیا تھا۔

احسن اقبال کا کہنا تھا کہ بجٹ میں جتنا حصہ ہمارا ہے اتنا ہی تمہارا ہے، اتفاق رائے سے بجٹ منظور ہوا، جو فیصلے اتفاق رائے سے کیے جاتے ہیں ان میں سب کی ذمہ داری ہوتی ہے کہ اسے قبول کریں۔ احسن اقبال نے تقریب سے خطاب کرتے ہوئے کہا کہ مسلم لیگ ن نے ملک کو سی پیک کا تحفہ دیا، لیکن 2018 میں جاری ترقی کے سفر کو سازش کے تحت روکا گیا، اور ایک اناڑی اور ناتجربہ کار شخص کو نااہل ٹولے سمیت پاکستان پر مسلط کردیا گیا۔
مزید یہ بھی پڑھیں؛
ذو الحج 1444 ہجری کا چاند دیکھنے کے لیے اجلاس طلب
سرکاری اسپتالوں میں ہومیوپیتھک ڈاکٹر بھرتی کرنےکا نوٹیفیکیشن جاری

سی ٹی ڈی کی کارروائی، بینک کی کیش وین کو لوٹنے میں ملوث ملزم گرفتار

وفاقی وزیر نے کہا کہ گزشتہ دور میں ترقیاتی منصوبوں کے بجائے نفرت کے بیج بوئے گئے، 4 سال میں ترقی کے بجائے انتقامی کارروائیاں کی گئیں، مسلم لیگ ن نے سیاست کے نہیں ریاست بچانےکوترجیح دی، موجودہ حکومت نے پاکستان کو دیوالیہ ہونے سے بچایا، وزیراعظم شہبازشریف لیپ ٹاپ اسکیم کادوبارہ آغاز کررہےہیں، تمام فیصلے حکومتی اتحادیوں کے مشورے سے ہوتے ہیں۔

استحکام پاکستان پارٹی کے صدر عبد العلیم خان کا کہنا ہے کہ سفر محفوظ بنانے کیلئے موٹروے پولیس مزید بہتر اقدامات کرے. جبکہ سماجی رابطے کی ویب سائٹ ٹویٹر پر اپنے ایک بیان میں استحکام پاکستان پارٹی کے صدر نے لکھا کہ کلر کہار سالٹ رینج پر بس حادثہ انتہائی افسوسناک ہے جس کے نتیجے میں قیمتی جانی نقصان ہوا۔ مناظر انتہائی دلخراش ہیں۔

کلر کہار سالٹ رینج پر بس حادثہ انتہائی افسوسناک ہے جس کے نتیجے میں قیمتی جانی نقصان ہوا۔ مناظر انتہائی دلخراش ہیں۔ سفر کو محفوظ بنانے کیلیے موٹروے پولیس کو مزید بہتر اقدامات کرنے کی ضرورت ہے۔ دُکھ کی اس گھڑی میں متاثرین کے ساتھ ہیں۔ اللہ تعالی جانبحق افراد کی مغفرت فرمائے۔ آمین۔

— Abdul Aleem Khan (@abdul_aleemkhan) June 18, 2023

اپنی بات کو جاری رکھتے ہوئے انہوں نے لکھا کہ سفر کو محفوظ بنانے کے لیے موٹروے پولیس کو مزید بہتر اقدامات کرنے کی ضرورت ہے۔ دُکھ کی اس گھڑی میں متاثرین کے ساتھ ہیں۔ اللہ تعالی جاں بحق افراد کی مغفرت فرمائے۔ آمین۔ جبکہ اس سے قبل وزیراعظم شہباز شریف نےکہا کہ ‏کلر کہار بس حادثے کے نتیجے میں ضائع ہونے والی انسانی جانوں پر دلی طور پر رنجیدہ ہوں،سالٹ رینج پر حادثات کا تواتر کے ساتھ ہونا پریشان کن ہے۔

کلر کہار پر بس حادثے کے نتیجے میں ضائع ہونے والی انسانی جانوں پر دلی طور پر رنجیدہ ہوں۔ سالٹ رینج پر حادثات کا تواتر کے ساتھ ہونا پریشان کن ہے۔ موٹروے حکام اس امر کو یقینی بنائیں کہ موٹر وے پر چلنے والی گاڑیاں سفر کے قابل ہوں اور ڈرائیور حضرات ڈرائیونگ کے تمام معیارات پر پورے…

— Shehbaz Sharif (@CMShehbaz) June 18, 2023

مزید یہ بھی پڑھیں؛
حکومت صرف میڈیا پر ہی نظر آتی ہے. سراج الحق
یونان کشتی حادثہ،وزیراعظم کا 19 جون کو یوم سوگ منانے کا اعلان
پاکستانی نوجوانوں کی دیار غیر کے سمندروں میں تیرتی لاشیں، ذمہ دار کون
یونان کشتی حادثہ،وزیراعظم کا 19 جون کو یوم سوگ منانے کا اعلان

ٹویٹ میں انہوں نے ہدایت کی کہ موٹروے حکام اس امر کو یقینی بنائیں کہ موٹر وے پر چلنے والی گاڑیاں سفر کے قابل ہوں اور ڈرائیور حضرات ڈرائیونگ کے تمام معیارات پر پورے اترتے ہوں۔ وزیر اعظم نے کہا کہ قواعد و ضوابط پر سختی سے عمل کرکے ہی سفر کو محفوظ بنایا جا سکتا ہے۔ میری ہمدردیاں اور دعائیں ان تمام خاندانوں کے ساتھ ہیں جن کے پیارے اس دردناک حادثے میں ان سے بچھڑ گئے۔