+9251
پی ٹی آئی کے اراکین پارلیمنٹ اور کارکنوں نے اپنے ہی چیئرمین کی ہدایات ہوا میں اڑا دیں .
تحریک انصاف کی اراکین پارلیمنٹ اور کارکن شاہراہ دستور پر لگی خاردار تاریں پارکر کے الیکشن کمیشن کے باہر پہنچ گئے. تحریک انصاف کی خواتین اراکین اسمبلی اور پولیس کے درمیان ہاتھا پائی بھی ہوئی. پی ٹی آئی کی خواتین نے لیدیز پولیس اہلکاروں کو دھکے بھی دیئے.
پاکستان تحریک انصاف کے چیئرمین عمران خان نے الیکشن کمیشن کیخلاف احتجاج کی جگہ تبدیل کردی تھی،عمران خان کی ہدایت تھی کہ پی ٹی آئی اب الیکشن کمیشن دفتر کے بجائے ایف نائن پارک میں احتجاج کرے گی۔ سابق وزیراعظم نے ٹوئٹ کی کہ ایف 9 پارک میں چیف الیکشن کمیشنر اور الیکشن کمیشن آف پاکستان کے خلاف پرامن عوامی احتجاج کیا جائے.
دوسری جانب ایس ایس پی سیکیورٹی ڈویزن مسعود بنگش نے میڈیا کی انٹری بھی بند کر دی،ریڈیو پاکستان سگنلز پر میڈیا کی گاڑیوں کو بھی روک دیا،میڈیا نمائیندگان کو شناخت دیکھانے کے باوجود الیکشن کمیشن جانے کی
اجازت نہیں دی گئی.تاہم سیکیورٹی اہلکاروں نے پی ٹی آئی ارارکین کو الیکشن کمیشن کے گیٹ پر روک لیا ،الیکشن کمیشن کے گیٹ پر پولیس اور رینجرز کی بھاری نفری تعینات کر دی گئی.
