تاج محل کو اڑانے کی دھمکی

0
61

تاج محل کو اڑانے کی دھمکی
باغی ٹی وی کی رپورٹ کے مطابق بھارتی ریاست اترپردیش کے علاقے آگرہ میں تاج محل میں بم کی اطلاع پر کھلبلی مچ گئی

میڈیا رپورٹس کے مطابق پولیس کو کال کی گئی کہ تاج محل میں بم رکھا گیا جو کسی وقت بھی پھٹ سکتا ہے،تاج محل کو بم سے اڑا دیا جائے گا اطلاع پر قانون نافذ کرنے والے ادارے متحرک ہوئے اور تاج محل پہنچ کر وہاں آئے لوگوں کو باہر نکالا اور تلاشی شروع کر دی،تاج محل کے گیٹ بند کر دیئے گئے، بم ڈسپوزل سکواڈ بھی موقع پرپہنچا اور تاج محل کے احاطے کو خالی کروا کر تلاشی لی گئی

تا ہم بعد ازاں جامہ تلاشی کے بعد بم ڈسپوزل سکواڈ نے تاج محل کو کیئر قرار دے دیا، پولیس نے کال کرنے والے کو گرفتار کرنے کی منصوبہ بندی کر لی ہے،،ایس پی شیورام یادو کا کہنا ہے کہ کنٹرول روم کو فون کرنے والے شخص کی فوج میں بھرتی میں بہت سی غلطیاں ہیں جس کی وجہ سے اسے فوج میں بھرتی نہیں کیا جاسکا۔ اسی لئے اس نے جھوٹی کال کی کہ تاج محل میں ایک بم رکھا گیا ہے جو جلد ہی پھٹ جائے گا۔

پولیس سپرنٹنڈنٹ نے بتایا کہ سی آئی ایس ایف نے فون کرنے والے کی جگہ کا سراغ لگایا۔ یہ کال فیروز آباد سے کی گئی تھی۔ مزید تحقیقات کی جارہی ہیں۔ تاج محل میں بم ملنے کی اطلاع سے وہاں موجود سیاحوں میں افرا تفری مچ گئی ،پولیس کا کہنا ہے کہ جلد ملزم کو گرفتار کر لیا جائے گا

Leave a reply