خدا نخواستہ زندگی میں لڑائی ہوجائے توخیال رکھنا:ایک فریق نےدوسرے پر جیپ چڑھا دی

0
23

خان پور:خدا نخواستہ زندگی میں لڑائی ہوجائے توخیال رکھنا:ایک فریق نےدوسرے پر جیپ چڑھا دی،اطلاعات کے مطابق پنجاب کے ضلع خان پور میں دلخراش واقعہ رونما ہوا ہے، جہاں مقدمے کی رنجش پر ایک فریق نے مخالفین پر جیپ چڑھادی۔

خان پور کی جانب سے جاری بیان کے مطابق واقعہ تھانہ سٹی کی حدود میں اس وقت پیش آیا، جب ایک فریق عدالت سماعت کے بعد موٹر سائیکل پر سوار ہوکر واپس جارہے تھے کہ دوسرے فریق نے ان پر جیپ چڑھادی۔

پولیس کے مطابق واقعے میں تینوں افراد کی ٹانگیں ٹوٹ گئیں ہیں، جنہیں طبی امداد کے لئے قریبی اسپتال منتقل کردیا گیا ہے، جہاں ان کا علاج کیا جارہا ہے۔

واقعے سے متعلق پولیس کا موقف ہے کہ دونوں فریقین کے درمیان مقدمے کے باعث رنجشیں چل رہی ہیں، متاثرہ افراد کو جیپ کی ٹکر سے زخمی کرنے والا شخص واقعے کے بعد فرار ہوگیا ہے، جس کی تلاش شروع کردی گئی ہے۔

Leave a reply