fbpx

طالبان کی اسپیشل فورس نے کابل ائیر پورٹ کی سیکیورٹی سنبھال لی

کابل: امریکی فوجیوں کے انخلا کے ساتھ ہی طالبان کی وکٹری فورس نے کابل ایر پورٹ کی سیکیورٹی سنبھال لی ہے-

باغی ٹی وی : طالبان کے اسپیشل بدری 313 اور فاتح یونٹس کے دستے کابل ایئرپورٹ میں داخل ہوگئے ہیں طالبان کے نشریاتی ادارے الہجرۃ کے مطابق طالبان کے اسپیشل یونٹس کے دستے کابل کے حامد کرزئی انٹرنیشنل ایئرپورٹ کی حدود میں داخل ہوگئے ہیں تاہم ملٹری سائڈ کا محدود ایریا تاحال امریکی باقیماندہ فورس کے کنٹرول میں ہے-

شریاتی ادارے کے مطابق اسپیشل دستوں نے کابل ایئرپورٹ کے اندر چند مقامات پر پوزیشنز بھی سنبھال لی ہیں اور کابل ائیرپورٹ سے پروازیں جاری ہے-

دھماکے امریکی فورسز نے کابل ایئرپورٹ کے اندراپنے سامان کو تباہ کرنے کے لیے کئے ذبیح اللہ مجاہد

اس ضمن میں طالبان رہنما عبدالحمید حماسی نے بتایا ہے کہ کابل ایئرپورٹ کے فوجی حصے کے تین اہم مقامات امریکی فوج نے خالی کردیئے ہیں جس کے بعد طالبان کی اسپیشل فورس کے دستوں نے وہاں کا کنٹرول سنبھال لیا ہے۔

طالبان سے معاہدے کے تحت امریکہ اور دیگر غیر ملکی افواج کی افغانستان سے انخلا کی ڈیڈ لائن 31 اگست ہے۔