fbpx

طالبان سپریم لیڈرملاہیبت اللہ اخوندزادہ پہلی بار منظر عام پر

طالبان کے امارت سنبھالنے کے بعد سپریم رہنما پہلی بار ملا ہبت اللہ اخوندزادہ منظر عام پر آگئے-

باغی ٹی وی : عالمی خبر رساں ادارے کے مطابق امیرِ طالبان ملا ہبت اللہ اخوندزادہ نے قندھار میں مدرسہ دارالعلوم حکیمہ کا دورہ کیا اور اور اپنے سپاہیوں اور شاگردوں سے خطاب کیا وہ سال 2016 میں تنظیم کی باگ دوڑ سنبھالنے کے بعد پہلی مرتبہ عوام میں نظر آئے ہیں طالبان کے رواں برس اگست میں افغانستان میں اقتدار حاصل کرنے کے باوجود تاحال وہ منظر عام پر نہیں آئے تھے۔

امریکا کا افغانستان کے لئے 14 کروڑ 40 لاکھ ڈالر کی امداد دینے کا اعلان

ذرائع کے مطابق اس تقریب کے لیے سیکیورٹی انتہائی سخت رکھی گئی تھی اور اس سلسلے میں کوئی تصویر یا ویڈیو بھی منظرِ عام پر نہیں آئی تاہم طالبان کے سوشل میڈیا اکاؤنٹس پر 10 منٹ کی آڈیو ریکارڈنگ شیئر کی گئی اس تقریر میں سیاسی تنظیم کے حوالے سے کوئی بات نہیں کی گئی اپنے خطاب میں امیر طالبان نے شہداء کو خراج تحسین پیش کیا اور اللہ سے طالبان کی مدد و نصرت کی دعا بھی کی۔

داعش آئندہ سال امریکہ پرحملہ کر سکتی ہے پینٹاگون نے خدشہ ظاہر کر دیا

فرانسیسی خبر رساں ادارے اے ایف پی کی رپورٹ کے مطابق ملا ہیبت اللہ اگست میں افغانستان کا اقتدار سنبھالنے کے باوجود اب تک وہ عوام کےسامنے نہیں آئے تھے

ان کے منظر عام پر نہ آنے کے باعث طالبان حکومت میں ان کے کردار کے حوالے سے کئی قیاس آرائیوں نے جنم لیاتھا جن میں امیر طالبان کے انتقال کر جانے کی خبریں بھی زیر گردش تھیں جس پر ترجمان طالبان نے بھی کئی بار وضاحت کی تھی کہ امیر طالبان کی مصروفیات زیادہ ہیں تاہم وہ جلد منظر عام پر آئیں گے جب کہ ان کی ایک مبینہ تصویر بھی جاری کی گئی تھی۔

کام کے بدلے گندم، طالبان کا بھوک اور بے روزگاری سے نمٹنے کے لئے نیا پروگرام