ڈسکہ (باغی ٹی وی، نامہ نگار ملک عمران) سلسلہ نقشبندیہ اویسیہ تنظیم الااخوان ضلع سیالکوٹ کا ماہانہ ذکر قلبی اجتماع دارالعرفان ڈسکہ مرکز میں منعقد ہوا، جس میں خواتین سمیت ضلع بھر سے سالکین نے بڑی تعداد میں شرکت کی۔
اجتماع سے تنظیم الااخوان پاکستان کے سربراہ شیخ سلسلہ امیر عبدالقدیر اعوان نے ویڈیو لنک کے ذریعے خطاب کیا، جبکہ صاحبِ مجاز عبدالحمید چھینہ ایڈووکیٹ نے نئے آنے والے شرکاء کو طریقۂ ذکر سکھایا اور ان کی رہنمائی کی۔
اجتماع کے اختتام پر ملکی ترقی، سلامتی، امت مسلمہ کی فلاح اور عوامی استحکام کے لیے خصوصی دعائیں کی گئیں، جب کہ تمام سالکین کی لنگر سے تواضع کی گئی۔ اجتماع میں روحانی سکون اور اتحادِ ملت کے جذبے کو اجاگر کرنے پر زور دیا گیا۔