ٹانگیں ان کی کانپتی ہیں جو….وفاقی وزیر ہوا بازی نے اپوزیشن کو کھری کھری سنا دیں

0
31

ٹانگیں ان کی کانپتی ہیں جو….وفاقی وزیر ہوا بازی نے اپوزیشن کو کھری کھری سنا دیں

باغی ٹی وی کی رپورٹ کے مطابق وفاقی وزیر ہوا بازی غلام سرور خان نے کہا ہے کہ کورونا کیسز کا بڑھتا رجحان سب کے سامنے ہے،

غلام سرور خان کا کہنا تھا کہ این سی او سی میں تمام صوبوں کی طرف سے تجاویز پر غور کیا جاتا ہے ،اپوزیشن سے کرپشن کے کیسز پر بات نہیں ہوگی ,ہائی الرٹ سب کے علم میں ہے ،سرحدوں پر خطرہ ہوتا ہے ،ادھر بھارت ہمارے خلاف سرگرم ہے ،قومی معاملات پر اپوزیشن کیوں بات نہیں کرتی؟

غلام سرور خان کا کہنا تھا کہ نیب قوانین میں ترامیم ،نئے این آر او پر بات نہیں ہوگی ،ہم نے کبھی کسی سیاسی جماعت کو بات کرنے سے نہیں روکا،معاشی،انتخابی اصلاحات ،کشمیریوں کے ساتھ بھارتی ظلم اور دیگر مسائل پر بات کریں،وزیراعظم نے 3ماہ کیلئے جلسے منسوخ کرنے کی بات عوامی مفاد میں کی،ٹانگیں ان کی کانپتی ہیں جن کے دامن داغدار ہوتے ہیں،وزیراعظم کی بات چیت کی پیش کش کو کمزوری نہ سمجھا جائے، استعفوں کی باتیں صرف باتیں ہی ہیں ،اپوزیشن کے اراکین قومی اسمبلی وفاقی حکومت سے رابطے میں ہیں،

وفاقی وزیر غلام سرور خان کا مزید کہنا تھا کہ پیپلزپارٹی کے حوالے سے کہتاہوں وہ استعفے نہیں دیں گے ،مسلم لیگ ن میں ایک دھڑا استعفے دینے کے خلاف ہے،اپوزیشن بیٹھنا چاہیے تو قومی معاملات پر بات چیت کو تیا رہیں،یہ صرف دکھاوا ہے کہ اتنے استعفے آرہے ہیں کہ سنبھالے نہیں جا رہے ،اسپیکر ہر وقت موجود ہیں اپوزیشن کو استعفے دینے ہیں تو انہیں دیں ،اپوزیشن جماعتوں کے کچھ لوگ اپنے لیڈر کے بیانیے سے اتفاق نہیں کرتے ،ہم نے کسی کے خلاف کیسز نہیں بنائے،شیخ رشید وزیرداخلہ کی ذمہ داریاں احسن طریقے سے انجام دیں گے،

Leave a reply