تاپسی پنوں نے بالی وڈ میں‌ایک دہائی کا سفر طے کر لیا

اداکارہ تاپسی پنوں کے بالی وڈ میں دس سال مکمل ہو چکے ہیں اس موقع پر وہ کافی خوش ہیں ان کا کہنا ہے کہ میں‌نے فیصلہ کر لیا ہے اب میں نے صرف شوپیس خاتون کے طور پر کام نہیں‌کرنا بلکہ ایسے کردار کرنے ہیں جو چیلجنگ ہوں. انہوں نے کہا کہ فلم انڈسٹری میں کیرئیر کی معیاد بہت مختصر ہوتی ہے خصوصی طور پر لڑکی کے لئے ، اس لئے کوشش کرنی چاہیے کہ ایسے کردار کریں جن سے آپ کی پہچان بنے. تاپشی پنوں نے کہا کہ میں نے دس سال پہلے فلم چشم بدود سے بالی وڈ میں قدم رکھا تھا اور دیکھتے ہی دیکھتے ایک دہائی گزر گئی ہے، لیکن میں بہت مطمئن ہوں کہ میں نے جتنا بھی کام کیا ہے وہ بہت اچھا ہے لیکن اداکارہ نے کہا کہ آرٹسٹ کو اچھے سے اچھا

کام کرنے کی بھوک ہر وقت رہتی ہے. تاپسی پنوں نے کہا کہ میں چاہتی تھی کہ دیکھنے والے مجھ پر یقین کریں ، انہیں پتا ہو کہ میں انکا وقت اور پیسہ ضائع نہیں کروں گی۔انہوں نے کہا کہ فلم انڈسٹری میں میں اپنے کام سے منفرد شناخت بنانا چاہتی ہوں، میرا واحد مقصد ایسی اداکارہ بننا ہے، جس کی جگہ کوئی بھی باآسانی نہ لے سکے۔یاد رہے کہ بالی وڈ سے پہلے تاپسی پنوں تامل، تیلگو اور ملیالم فلموں میں کام کرچکی تھیں. وہاں بھی انہیں بہت زیادہ سراہا گیا.