سرگودھا:تھانہ ترکھانوالہ پولیس کا ایکشن،چار ملزمان گرفتار

سرگودھا،باغی ٹی وی ( ادریس نواز چدھڑ سے ) تھانہ ترکھانوالہ پولیس جرائم پیشہ عناصر کے خلاف ان ایکشن، چار ملزمان گرفتار

ڈی پی او سرگودھا محمد فیصل کامران کی ہدایت پر ایس ایچ او تھانہ ترکھانوالہ اسد حیات بھوانہ نے جرائم پیشہ افراد کیخلاف کمر کس لی ، ایس ایچ او اسد حیات بھوانہ نے منشیات فروشوں کیخلاف کارروائی کرتے ہوئے بدنام زمانہ منشیات فروش عزیز کو گرفتار کر کے اس قبضہ سے ایک کلو 200 گرام چرس برآمد کر لی ۔ جبکہ گرفتار ملزم وسیم سے 30 لٹر شراب برآمد کی ۔

ریڑھی چوری کے مقدمہ میں مطلوب ملزم ذوالفقار کو گرفتار کر کے مال مسروقہ بھی برآمد کر لیا گیا ۔ اسی طرح جواری کاشف کو رنگے ہاتھوں گرفتار کر کے داؤ پر لگی رقم برآمد کر لی گئی ۔

ایس ایچ او اسد حیات بھوانہ کے مطابق گرفتار ملزمان کی تفتیش جاری ہے مزید انکشافات کی توقع ہے ۔ برآمدہ مال مسروقہ بعد از قانونی کارروائی اصل مالکان کے حوالے کیا جائے گا ۔ گرفتار ملزمان کے خلاف سخت قانونی کاروائی عمل میں لائی جائے گی ۔

بہترین کارکردگی کا مظاہرہ کرنے پر ڈی پی او سرگودھا نے ایس ایچ او تھانہ ترکھانوالہ اسد حیات بھوانہ اور ان کی ٹیم کو شاباش دی ہے