طیارہ حادثہ، گورنر سندھ نے وزیراعظم کو خط میں ایسا مطالبہ کر دیا کہ بلاول کے ہوش اڑ گئے

باغی ٹی وی کی رپورٹ کے مطابق گورنر سندھ عمران اسماعیل نے کہا ہے کہ طیارہ حادثے میں متاثر ہونے والے گھروں کی تعمیر حکومت کرےگی،

گورنر سندھ عمران اسماعیل کا کہنا تھا کہ طیارہ حادثے سے متعلق تحقیقات جاری ہے،سوشل میڈیا پر چلنے والی رپورٹس بے بنیاد ہیں ،وزیراعظم نے متاثرین کو جلد سہولیات فراہم کرنے کی ہدایت کی ہے،زخمیوں کے علاج کے اخراجات بھی حکومت برداشت کرے گی،

گورنر سندھ کا مزید کہنا تھا کہ ڈی این اے کا عمل 100فیصد مکمل ہوچکاہے،ڈی این اے میں 10سے15دن لگتے ہیں،سندھ بلڈنگ کنٹرول اتھارٹی عمارتوں کی تعمیرات کی ذمہ دار ہے،ایئرپورٹ کے اطراف اس وقت بھی بلند عمارتیں بن رہی ہیں،

سندھ بلڈنگ کنٹرول اتھارٹی کو تحقیقات میں شامل کرنے کیلئے گورنرسندھ نے وزیراعظم عمران خان کو خط لکھ دیا، گورنر سندھ کا کہنا تھا کہ وزیراعظم کو خط میں کہاہے کہ بلند عمارتیں تعمیر ہونے سے متعلق تحقیقات کرائیں،واٹربورڈ سمیت غیرقانونی کام کرنے والے اداروں کو ٹھیک کرناہوگا،

گورنر سندھ عمران اسماعیل کا مزید کہنا تھا کہ پہلے دن سے لاک ڈاون کا مخالف ہوں،لاک ڈاوَن حکمت عملی کے ساتھ ہوناچاہیے،دنیا کہہ رہی لاک ڈاوَن سے صرف نقصان ہورہاہے،

واضح رہے کہ 22 مئی کو قومی ائیر لائن کی لاہور سے کراچی جانے والی پرواز ائیرپورٹ سے ملحقہ آبادی پر گر کر تباہی کا شکار ہو گئی تھی جس کے نتیجے میں عملے کے 8 ارکان سمیت 97 افراد جاں بحق ہو گئے تھے جبکہ 2 مسافر زندہ بچ گئے تھے