تعلیمی اداروں میں موسم سرما کی چھٹیاں کتنی بڑھنے کا امکان؟ وزیر تعلیم نے بتا دیا

تعلیمی اداروں میں موسم سرما کی چھٹیاں کتنی بڑھنے کا امکان؟ وزیر تعلیم نے بتا دیا

باغی ٹی وی کی رپورٹ کے مطابق کرونا کی دوسری لہر آنے کے بعد تعلیمی اداروں میں موسم سرما کی تعطیلات ہکم دسمبر سے ہو سکتی ہیں

بلوچستان کے صوبائی وزیر تعلیم سردار یار محمد رند کا کہنا ہے کہ موسم کے پیش نظر صوبے کے سرد علاقوں میں تعلیمی ادارے یکم دسمبر سے بند کرنے سمیت دیگر تجاویز زیر غور ہیں۔

صوبائی وزیر تعلیم سردار یار محمد رند کا مزید کہنا تھا کہ کہ وفاقی وزیر تعلیم کی زیر صدارت وزراء تعلیم بین الصوبائی اجلاس میں صوبے کے تعلیمی اداروں سے متعلق انہیں آگاہ کیا، صوبے کے سرد علاقوں میں تعلیمی اداروں میں یکم دسمبر سے موسم سرما کی تعطیلات کی تجویز دی ہے، رواں سال موسم سرما کی چھٹیاں 3 ماہ تک کرنے، ماضی کے نسبت رواں سال موسم سرما کی چھٹیوں میں 15 دن کا اضافہ کرنے کا بھی فیصلہ زیر غور ہے۔

صوبائی وزیر تعلیم کا مزید کہنا ہے کہ تعلیمی اداروں کی انتظامیہ کو شارٹ کورس مکمل کر کے طلباء و طالبات کے امتحانات یکم دسمبر سے قبل مکمل کرانے کی ہدایات بھی دی جائیں گے۔ صوبائی وزیر تعلیم کے مطابق ان تجاویز پر حتمی فیصلہ 23 نومبر کو ہونے والے بین الصوبائی وزراء تعلیم کے اجلاس میں کیا جائے گا۔

قبل ازیں گزشتہ روز وفاقی وزیر شفقت محمود کی زیر صدارت تعلیمی اداروں سے متعلق اجلاس ہوا اجلاس میں تمام صوبوں کے وزراء تعلیم نے شرکت کی، اجلاس میں فیصلہ ہوا کہ اگلے ہفتے پھر اجلاس بلایا جائے گا جس میں حتمی فیصلہ کیا جائے گا،اجلاس میں موسم سرما کی تعطیلات نومبر سے جنوری تک کرنے کی تجویز پرغورکیا گیا،موسم سرما کی تعطیلات سے متعلق حتمی فیصلہ قومی رابطہ کمیٹی کرے گی،

پنجاب کے وزیر تعلیم مراد راس کا کہنا ہے کہ پنجاب میں اسکولز بند کرنے کا فیصلہ نہیں کیا گیا،23نومبر کوکو تعلیمی ادارے بند کرنے کے بارے میں دوبارہ اجلاس ہوگا،وفاقی وزیر تعلیم شفقت محمود کا کہنا ہے کہ ہمیں طلبہ اور اساتذہ کی جان سب سے زیادہ عزیز ہے،تعلیمی اداروں سے متعلق حتمی فیصلہ قومی رابطہ کمیٹی کرے گی،سردیوں کی چھٹیاں بڑھانے کی بھی تجویز ہے، پہلے ٹیلی اسکول چلایاتھا اب ریڈیو اسکول کے بارےمیں سوچ رہے ہیں، تعلیمی اداروں سے متعلق جوفیصلہ ہوگااس پرسب کوعمل کرناہوگا،

وزیرتعلیم پنجاب مراد راس کا کہنا ہے کہ وہ اسکولوں کو بند کرنے کے حامی نہیں،جن تعلیمی اداروں میں کورونا کیسز رپورٹ ہورہے ہیں انہیں سیل کررہے ہیں اور اگر ماضی جیسی صورتحال ہوئی تو اسکول بند کرنے پڑیں گے۔

پنجاب میں بھی دوبارہ کرونا کیسز میں اضافہ ہو سکتا ہے، خطرے کی گھنٹی

کرونا پھیلاؤ روکنے کے لئے این سی او سی کا عوام سے مدد لینے کا فیصلہ

کرونا وائرس ، معاون خصوصی برائے صحت نے ہسپتال سربراہان کو دیں اہم ہدایات

کرونا وائرس لاہور میں پھیلنے کا خدشہ، انتظامیہ نے بڑا قدم اٹھا لیا

معاون خصوصی برائے صحت ڈاکٹر فیصل سلطان نے کہا کہ پاکستان میں کورونا وائرس کی دوسری لہر بتدریج شروع ہو چکی ہے۔ دوسری لہر سے نمٹنے کے لیے ایس اوپیز پر سختی سےعمل کرنا ہو گا۔ احتیاطی تدابیر پرعمل پیرا ہو کر ہم کورونا کی دوسری لہرسے نمٹ سکتے ہیں