علی ظفر کےویڈیو جاری کرنے کے بعد مداحوں کو پی ایس ایل ترانے کا بے صبری سے انتظار
معروف گلوکار علی ظفر کی طرف سے سوشل میڈیا پر پاکستان سپر لیگ (پی ایس ایل) کے نئے گانے کا ٹیزر ریلیز کرنے کے بعد مداحوں میں خوشی کی لہر دوڑ گئی ہے
باغی ٹی وی کی رپورٹ کے مطابق علی ظفر مداحوں کی خواہش پر پی ایس ایل کے لئے نیا ترانہ بنا رہے ہیں اب ان کی طرف سے سوشل میڈیا پر پی ایس ایل کے نئے گانے کا ٹیزر ریلیز کرنے کے بعد مداحوں میں خوشی کی لہر دوڑ گئی ہے
علی ظفر کے اس اعلان کے بعد نہ صرف ان کے مداح و شائقین کرکٹ بلکہ کئی معروف کھلاڑی اور گلوکار بھی بہت خوش ہیں اور ان کے اس اقدام کو خوب سراہ رہے ہیں اور نہایت بے چینی سے ان کے ترانے کا انتظار کر رہے ہیں جس کا اظہار وہ واضح طور پر سوشل میڈیا پر کر رہے ہیں
علی ظفرمداحوں کی خواہش پر پی ایس ایل فائیو کا ترانہ بنانے کے لئے تیار
ٹوئٹر پر ایک صارف نے گانے کے انتظار میں ایک جف فوٹو شیئر کیا کہ لوگ علی ظفر کے ترانے کا اس طرح سے بے صبری سے انتظار کر رہے ہیں تو علی ظفر نے اس کا جواب دیتے ہوئے کہا کہ میر ی جان! ترانہ بنارہا ہوں کوئی گجریلا نہیں بنارہا تھوڑا حوصلہ کرو بھائی
Meri jaan anthem bana raha hoon koi gajrela thoree. Hosla 🙂 https://t.co/IUd2paELHl
— Ali Zafar (@AliZafarsays) February 23, 2020
قومی ٹیم کے سابق فاسٹ بولر شعیب اختر نے ٹویٹ کیا کہ ہممم علی ظفر کہہ رہے ہیں کہ ہوجائے پھر تو پھر ہم بھی حاضر ہیں بھائی جس کا جواب دیتے ہوئے علی ظفر نے شعیب اختر سے سوال کیا کہ کیا ڈانس کرلیتے ہیں آپ؟
Dance ker lete hain aap ? 🙂 https://t.co/sHm4nvGHya
— Ali Zafar (@AliZafarsays) February 23, 2020
عاصم اظہر نے علی ظفر کا اعلان سننے کے بعد ٹویٹ کیا کہ اس میں بے عزتی کی کیا بات ہے وہ میرے سینئر ہیں اور میں ان کی بہت عزت کرتا ہوں اگر وہ پی ایس ایل کا نیا گانے بنائیں گے تو میں انہیں بھر پور سپورٹ کروں گا
— Ali Zafar (@AliZafarsays) February 23, 2020
عاصم اظہر نے کہا کہ اگر علی ظفر پی ایس ایل کا نیا گانا بنائیں گے تو مجھے بہت خوشی ہوگی کیونکہ اس میں پاکستان کا ہی فائدہ ہوگا، مگر مسئلہ یہ ہے کہ ہم لوگ آپس میں بٹے ہوئے ہیں ہمیں اس وقت ایک دوسرے کا ساتھ دینے کی ضرورت ہے اس پر علی ظفر نے جواب میں ہارٹ والا ایموجی بنایا
ایک صارف نے ٹوئٹ کیا کہ ہمیں نہیں پتہ ہمیں نیا ترانہ چاہیے بس اور ایک مچلنے کی جف تصویر بھی شیئر کی جس کے جواب میں علی ظفر نے کہا کہ یار یہ مت کرو
Yaar ye mat kero. https://t.co/bK7n4nbAZ9
— Ali Zafar (@AliZafarsays) February 22, 2020
ایک ٹویٹ میں کہا گیا کہ نہ نئی فلم نہ نیا گانا نہ نیا ترانہ پھر بھی علی ظفر دوبارہ پاکستان کے نمبر ون ٹویٹر ٹرینڈ بن چکے ہیں اسے کہتے ہیں ایک روک سٹار کی طاقت جس پر علی ظفر نے ٹویٹ کیاکہ یہ روز روز کا ٹرینڈ کرنا صحت کے لئے اچھا نہیں ہوتا بھائی صاحب
Ye roz roz ka trend kerna sehat ke liye acha nahin hota bhaee sahab. https://t.co/Ep3dHh2Y1P
— Ali Zafar (@AliZafarsays) February 22, 2020
واضح رہے کہ گلوکار علی عظمت نے اے آر وائے پر وسیم بادامی کے شو میں کسی کا نام لیے بغیر الزام لگایا تھا کہ پی ایس ایل فائیو کے ٹائٹل سانگ کو خراب کرنے کے لیے ایک گلوکار نے بلاگرز کا گروپ بنایا اور پیسے دے کر سوشل میڈیا پر مہم چلائی۔
علی عظمت کے اس بیان کے بعد سوشل میڈیا پر علی ظفر نے الزام کا جواب اپنے ایک ویڈیو پیغام کے ذریعے دیا تھا جس میں ان کا کہنا تھا کہ اگر آپ کا ایونٹ کامیاب نہیں ہورہا یا پھر کوئی گانا ہٹ نہیں ہورہا تو پریشان ہونے کی ضرورت نہیں ہے آپ کا بھائی حاضر ہے
میں مداحوں کے لئے پی ایس ایل فائیو کا ترانہ بنانے کے لئے تیار ہوں علی ظفر
بعد وسیم بادامی کے کہنے پر کہ کیا آپ مداحوں کے لئے ترانہ بنائیں گے؟ اس پر علی ظفر نے اعلان کیا تھا کہ وہ مداحوں کے لئے کچھ بھی کرنے کو تیار ہیں کیونکہ انہوں نے ہی مجھے سٹار بنایا ہے ان کے لئے جان بھی حاظر ہے
اس حوالے سے علی ظفر نے پی ایس ایل کے لیے اپنے گانے کا ٹیزر بھی جاری کیا اور اپنی مختصر ویڈیو میں انہوں نے مداحوں سے مخاطب ہوتے ہوئے کہا کہ تیار ہو؟ بھائی آرہا ہے