عالمی شدت پسندی کے خاتمے کیلئے علامہ طاہرالقادری نے اہم کردار ادا کیا

تحریک منہاج القرآن ضلع ملتان

تحریک منہاج القرآن نے عالمی سطح پر شدت پسندی کے خاتمے اورامن کے فروغ کیلئے مدبرانہ کردار ادا کیا انجینئر رفیق نجم
ڈاکٹر طاہرالقادری کی علمی،تحقیقی،دعوتی،تبلیغی،سیاسی،سماجی اورروحانی خدمات کا زمانہ معترف ہے۔

تحریک منہاج القرآن بیداری شعور اورفروغ عشق رسول کی عالمگیر تحریک ہے۔سردار شاکرمزاری
تحریک منہاج القرآن کے 40 ویں یوم تاسیس پر ملتا ن میں منعقدہ عظیم الشان تقریب سے مرکزی رہنماؤں کے خطابات

تحریک منہاج القرآن کے 40 ویں یومِ تاسیس کے موقع پررضاہال میں منعقدہ تقریب سے خطاب کرتے ہوئے مرکزی نائب ناظم اعلیٰ کوارڈینیشن انجینئر رفیق نجم نے کہا ہے کہ تحریک منہاج القرآن نے اپنے 40 سالہ مختصر عرصے میں عالمی سطح پر ہر شعبے پر گہرے اثرات مرتب کئے ہیں۔یہ تحریک روایتی مذہبی تحریک نہیں بلکہ تجدیدواحیائے اسلام کی عالمگیر تحریک ہے جس کی بنیادقائد تحریک ڈاکٹر محمد طاہرالقادری نے قرآنی فلسفہ انقلاب پر رکھی۔

عالمی سطح پر شدت پسندی اوردہشت گردی کے خاتمے اورامن کے فروغ کیلئے اسلام کی حقیقی تعلیمات کو عام کرنے کیلئے منہا ج القرآن نے مدبرانہ کردار ادا کیا۔

قائد تحریک شیخ الاسلام ڈاکٹر محمد طاہرالقادری کی علمی،تحقیقی،دعوتی،تبلیغی،سیاسی،سماجی اورروحانی خدمات کا زمانہ معترف ہے۔دنیا کی مختلف زبانوں میں ایک ہزار سے زائد تصانیف علم وشعور کے نئے دریچے کھول کر امت کی رہنمائی کافرض ادا کررہی ہیں۔بے بنیاد الزامات اورشدید مخالفت کے باوجود اس تحریک نے گلوب کے اوپر ہر سمت اپنے مراکز قائم کئے۔

منہاج القرآن نے جہاں اتحاد امت اوربین المذاہب
رواداری کیلئے بے پناہ خدمات سرانجام دیں وہیں موجودہ کرپٹ اورفرسودہ نظام کی تبدیلی کیلئے بھی بھرپور جدوجہد کی۔

مرکزی نائب ناظم اعلیٰ تنظیمات سردار شاکر مزاری نے اپنے خطاب میں کہا کہ تحریک منہاج القرآن بیداری شعور اورفروغ عشق رسول کی عالمگیر تحریک ہے۔قائد تحریک نے مسلکی امتیاز سے بالاتر ہوکر قرآن و حدیث کی اصل تعلیمات کو امت تک پہنچایا ہے جس سے عقائد کے بگاڑ میں اصلاح کی راہیں کھلی ہیں۔

جبکہ دنیا بھر میں اپنی بے مثال جدوجہد کے نتیجے میں فکری و نظریاتی سطح پر نئے جہان آباد کئے ہیں،نوجوان نسل کو اخلاقی پستیوں سے نکال کر ان کا رشتہ گنبدخضریٰ سے جوڑا۔تحریک منہاج القرآن کے پلیٹ فارم سے نظام کی تبدیلی اورمصطفوی انقلاب کیلئے بھرپور جدوجہد جاری رہے گی۔

تقریب میں معروف قانون دان وسیم ممتاز ایڈووکیٹ، پروفیسر جاویداختر زواری،یاسرارشاد دیوان،شوکت ڈوگر،سید سعید بخاری،علامہ عمرحیات الحسینی،شوکت مصطفوی،حاجی خلیل آہیر،زمان اعوان،احمد قریشی،سجاد نقشبندی،چوہدری مقبول گجر،ظفراقبال ورک،ملک شہزادالحسن ہمڑ سمیت سینکڑوں خواتین وحضرات نے شرکت کی۔

ملتان:تحریک منہاج القرآن کے 40 ویں یوم تاسیس کی تقریب سے مرکزی نائب ناظم اعلیٰ انجینئر رفیق نجم اورسردار شاکر مزاری خطاب کررہے ہیں۔جبکہ معروف قانون دان وسیم ممتاز ایڈووکیٹ، پروفیسر جاویداختر زواری،یاسرارشاد دیوان،شوکت ڈوگر،سید سعید بخاری،علامہ عمرحیات الحسینی،شوکت مصطفوی،حاجی خلیل آہیر،زمان اعوان،احمد قریشی،سجاد نقشبندی،چوہدری مقبول گجر،ظفراقبال ورک اورملک شہزادالحسن ہمڑ بھی موجود ہیں۔