نواز شریف کا وزیراعظم سے ٹیلیفونک رابطہ، سیاسی صورتحال پرتبادلہ خیال

اسلام آباد:قائد ن لیگ نوازشریف نے وزیراعظم شہبازشریف اور سربراہ پی ڈی ایم مولانا فضل الرحمان سے ٹیلیفونک رابطہ کیا ہے۔

ترجمان کے مطابق نوازشریف نے وزیراعظم شہباز شریف کوپی ڈی ایم کا اتحاد مضبوط کرنے اور پی ڈی ایم رہنماؤں سے مشاورت جاری رکھنے کی ہدایت کی۔

سابق وزیراعظم نے شہبازشریف کو پنجاب میں پارٹی رہنماؤں اور کارکنوں کو متحرک رکھنے کی بھی ہدایت کی ہے۔

دوسری جانب نوازشریف نے پی ڈی ایم سربراہ مولانا فضل الرحمان سے ٹیلی فونک رابطہ کیا ہے، دونوں رہنماوں میں پنجاب کی سیاسی صورتحال پرتبادلہ خیال کیا گیا۔

دونوں رہنماؤں نے پنجاب میں پی ڈی ایم کو مزید منظم کرنے اور عدالتی فیصلے کے بعد نیالائحہ عمل طے کرنے پر اتفاق کیا۔