لاہور:جناح پولو فیلڈز میں پولو سیزن 2022-23 کا پہلا ٹورنامنٹ ٹینی شیس پولو کپ 2022ء سپانسرڈ بائی گوبیز پینٹس کےتیسرے روز آج ڈائمنڈ پینٹس/شیخو اسٹیل اور ماسٹر پینٹس نےجناح پولو فیلڈز میں اپنے اپنے میچ کھیل کرزبردست کامیابیاں حاصل کیں
ذرائع کے مطابق جناح پولو فیلڈز میں آج کھیلے جانے والے میچ کو شائقین کی ایک اچھی تعداد نے دیکھا اور ان سے لطف اندوز ہوئے ، اس موقع پر کھلاڑیوں کے اہل خانہ بھی یہ میچ دیکھنے کےلیے تشریف لائے تھے ، ۔
اس موقع پر جناح پولو فیلڈ کلب کے صدر لیفٹیننٹ کرنل شعیب آفتاب (ر)، سیکرٹری میجر بابر محبوب اعوان اور دیگر منتظمین نے آنے والے مہمانوں کو خوش آمدیدکہا اور خود بھی میجز سے لطف اندور ہوتے رہے ،
دن کے پہلے میچ میں ڈائمنڈ پینٹس/شیخو اسٹیل نے ریمنگٹن پولو/گارڈ گروپ کی ٹیم کو دلچسپ مقابلے کے بعد 7-6 سے شکست دی۔ میر حذیفہ احمد نے پانچ شاندار گول کیے جبکہ ڈائمنڈ پینٹس/شیخو اسٹیل کی طرف سے بلال حئی اور محمد مطلوب ایزد نے ایک ایک گول کیا۔ ریمنگٹن پولو/گارڈ گروپ کی طرف سے تیمور علی ملک نے پانچ اور ثاقب خان خاکوانی نے ایک گول کیا۔
دوسرے میچ میں ماسٹر پینٹس نے حاجی سنز کی ٹیم کو 5-4 سے شکست دی۔ مینوئل کارانزا نے تین جبکہ صوفی محمد ہارون اور صوفی محمد عامر نے ایک ایک گول کیا۔ حاجی سنز کی طرف سے ممتاز عباس نیازی نے تین اور عمر اسجد ملہی نے ایک گول کیا۔
یاد رہے کہ ٹورنا منٹ کے پہلے میچ میں ریجاس پولو زیڈ ایس نے حاجی سنز پولو ٹیم کو 8.5-6 گولوں سے ہرایا۔ ریجاس پولو/زیڈ ایس کی طرف سے ابھرتے ہوئے نوجوان کھلاڑی نے چار اور احمد زبٹ نے تین گول سکور کیے جبکہ ٹیم کو ڈیڑھ گول ٹیم کو ہینڈی کیپ ایڈوانٹیج حاصل تھا۔
حاجی سنز کی طرف سے ممتاز عباس نیازی نے چاراور عمر اسجد ملہی نے دو گول سکور کیے۔ دوسرے میچ میں ایف جی /دین پولو ٹیم نے ڈائمنڈ پینٹس /شیخو سٹیل کی ٹیم کو 11-3.5 سے ہرا دیا۔ ایف جی /دین پولو کی طرف سے میاں عباس مختار اور لیفٹیننٹ کرنل عمر منہاس (ریٹائرڈ) نے چار چار جبکہ شیخ محمد رافع نے دو جبکہ شیخ محمد فرہاد نے ایک گول سکور کیا۔ کل بدھ کو بھی میجز کھیلے گئے تھے
