fbpx

سافٹ وئیر میں خرابی: ٹیسلا کی2017 میں بیچی گئی 12 ہزارگاڑیوں کی واپسی

ایلون مسک کی کمپنی ٹیسلا نے 2017 میں بیچی گئی اپنی 12 ہزار گاڑیاں واپس منگوا لی ہیں۔

باغی ٹی وی : تفصیلات کے مطابق ٹیسلا کمپنی کے مواصلاتی نظام میں خرابی کی رپورٹس موصول ہوئی ہیں جس کے بعد کمپنی نے گاڑیاں واپس منگوا لی ہیں ایمرجنسی بریکس کے اچانک حرکت میں آنے کی شکایات موصول ہونے کے بعد ہی ٹیسلا نے انسٹال شدہ ایف ایس ڈی 10.3 سافٹ ویئر اپ ڈیٹ ہٹا دی تھی، اور متاثرہ گاڑیوں میں 10.3.1 ورژن انسٹال کیا تھا۔

نیشنل ہائی وے ٹریفک سیفٹی ایڈمنسٹریشن کے مطابق مواصلاتی نظام میں خرابی کے باعث گاڑی ٹکرانے کی غلط وارننگ اور ایمرجنسی بریک لگ سکتی ہے، جو خطرنات ثابت ہوتی ہےایف ایس ڈی سسٹم خودکار ڈرائیونگ کی صلاحیت فراہم کرتا ہے جس کے تحت گاڑی چلانے کے کچھ فنکشنز خود بخود متحرک ہو جاتے ہیں۔

حفاظتی ایجنسی کا کہنا ہے کہ وہ ٹیسلا کے ساتھ رابطے میں رہے گی تاکہ کوئی بھی حفاظتی مسئلہ کو تسلیم کرتے ہوئے اسے صیح کیا جا سکے۔


ٹیسلا کے سربراہ ایلون مسک نے بھی ٹویٹ کی تھی کہ ایف ایس ڈی 10.3 میں کچھ مسائل پیدا ہونے کے بعد وقتی طور پر 10.2 میں واپس منتقل کیا جا رہا ہے29 اکتوبر کو ٹیسلا نے کہا تھا کہ 99.8 فیصد گاڑیوں میں سافٹ ویئر اپ ڈیٹ کر دیا گیا تھا جس کے بعد کسی قسم کی کارروائی کی ضرورت نہیں رہی ہے۔

Facebook Notice for EU! You need to login to view and post FB Comments!