تھائی لینڈ سے آنے والے فنکاروں کی ٹیم کے کورونا ٹیسٹ کے نتائج سامنے آ گئے

دنیا بھر میں پھیلنے والی عالمی وبا کورونا وائرس کے باعث کئی ممالک میں گذشتہ چند ہفتوں سے جاری لاک ڈاؤن کی وجہ سے پاکستان کے نامور اداکارہ محب مرزا، صنم سعید، شمعون عباسی اور سارہ لورین سمیت دیگر ٹیم ممبران تھائی لینڈ میں پھنس گئے تھے تاہم حکومت پاکستان سے مدد کی درخواست کے بعد ان اداکاروں کو اپنی ٹیم سمیت رواں ماہ 14 اپریل کو پاکستان واپس لایا گیا

باغی ٹی وی : لاک ڈاؤن کی وجہ سے تھائی لینڈ میں پھنسے پاکستانی فنکاروں کو پاکستان واپس لانے کے بعد احتیاطی تدابیر اختیار کرتے ہوئے انہیں اسلام آباد ایک ہوتل میں ٹھہرایا گیا تھا جہاں پر فلم کی پوری ٹیم کے کورونا ٹیسٹ کروانے کے بعد ان کو گھرون میں جانے می اجازت ملنی تھی تاہم ان کے ٹیسٹ کئے گئے جن کے نتائج بھی سامنے آ گئے ہیں

اداکار شمعون عباسی نے سوشل میڈیا پر اعلان کرتے ہوئے بتایا ہے کہ ان کے سمیت عشرت میڈ ان چائنہ فلم کے 42 ممبرز کے کوویڈ 19 کے ٹیسٹ کے نتائج منفی آئے ہیں

نینشل انسٹیٹیوٹ آف ہیلتھ ( این آئی ایچ )کی جانب سے دی گئی اپ ڈیٹ کے مطابق شمعون عباسی نے لکھا کہ تھائی لینڈ سے پی کے 8893 پرواز سے پاکستان آنے والے تمام مسافروں کے کورونا ٹیسٹ کے نتائج منفی آئے ہیں اور سب اب ہوٹلوں سے اپنے اپنے گھروں کو روانہ ہوگئے ہیں

اداکار نے لکھا کہ اسلام آباد کے ڈپٹی کمشنر حمزہ شفقت اور ان کی ٹیم تھائی لینڈ سے پاکستان پہنچنے والے مسافروں کے معاملات احتیاط اور اچھے منصوبے کے ساتھ سنبھال رہی ہے

انہوں نے لکھا کہ مجھے خوشی ہے کہ اس ناخوشگوار تجربے کے بعد کچھ بہتر کام بھی کئے گئے

شمعون عباسی نے لکھا کہ ہم نےپانچ دن رمادا ہوٹل میں گزارے رمادا کا مینیجر اور ان کا عملہ ان کی فیملی جیسا ہی بن گیا ہے

جواب چھوڑیں

آپ کا ای میل ایڈریس شائع نہیں کیا جائے گا.