fbpx

تھانہ بی ڈویژن قصور کی کاروائی،ملزمان اسلحہ سمیت گرفتار

قصور
تھانہ بی ڈویژن قصور پولیس کی کاروائی،ڈکیت اسلحہ سمیت گرفتار،ناجائز اسلحہ و نقدی برآمد

تفصیلات کے مطابق قصور پولیس کی جانب سے جرائم پیشہ عناصر کے خلاف کاروائیاں جاری ہیں
تھانہ بی ڈویژن قصور کے ایس آئی محمد اسلم و محرر رفیق الدین غوری کو مخبر خاص نے اطلاع دی کہ موضع بلندے والا کھوہ میں دو کس ملزمان بمعہ اسلحہ بآرادہ ڈکیتی موجود ہیں
نیز اس علاقے میں وارداتیں ہو رہی ہیں جس پہ اہلیان علاقہ سخت پریشان ہیں
اطلاع پہ فوری کاروائی کرتے ہوئے پولیس پارٹی نے ایس آئی محمد انور کی قیادت میں ریڈ کیا تو کھیتوں میں چھپے ملزمان پولیس پارٹی کو دیکھ کر بھاگ اٹھے جن کا پیچھا کرکے قابو کیا گیا
گرفتار ملزمان کی شناخت بشارت عرف بشارتی عرف ٹنڈا ولد صادق قوم شیخ موضع پیال کلاں اور ابوسفیان عرف شانی ولد بشیر قوم جٹ موضع کنگن پور کے نام سے ہوئی ہے جن کے قبضہ سے دو عدد ناجائز پسٹل 30 بور تین عدد اینڈرائڈ موبائل فون اور ہزاروں روپیہ نقدی برآمد کی گئی ہے
ملزمان کے خلاف الگ الگ مقدمات درج کرکے تفتیش کا آغاز کیا گیا ہے
شہریوں نے بڑھتی ہوئی وارداتوں کے پیش نظر بروقت کاروائی کرکے ملزمان کو پکڑنے پر تھانہ بی ڈویژن قصور پولیس کا شکریہ ادا کیا ہے