ثقلین نےنئی پینٹ کی خواہش کی،میرےلیےدووقت کی روٹی پوری کرنامشکل:اورپھروہ ہمیشہ کےلیےروٹھ گیا:والد

لاہور : ثقلین نےنئی پینٹ کی خواہش کی،میرے لیےدووقت کی روٹی پوری کرنا مشکل:اورپھروہ ہمیشہ کےلیےروٹھ گیا:اطلاعات کے مطابق لاہور کے علاقہ کاہنہ میں 12 سالہ بچے کی خود کُشی کرنے کی وجہ سامنے آ گئی ۔

تفصیلات کے مطابق غربت نے 12 سالہ بچے کی جان لے لی۔ 12 سالہ بچے ثقلین نے نئی پینٹ کی خواہش پوری نہ ہونے پر موت کو گلے لگا لیا۔ لخت جگر کی موت پر والدین غم سے نڈھال ہو گئے۔ والد کا کہنا ہے کہ میرے چھ بچے ہیں اور ثقلین بہن بھائیوں میں سب سے بڑا تھا جس کی عمر 12 سال تھی۔

والد نے بتایا کہ میں بہت غریب ہوں۔ ثقلین نے مجھ سے نئی پینٹ کی خواہش کی تھی، میرے لیے دو وقت کی روٹی پوری کرنا مشکل ہے ، نئی پینٹ کی خواہش کہاں سے پوری کرتا ؟ جس پر دلبرداشتہ ہو کر 12 سالہ ثقلین نے گلے میں پھندا ڈال کر موت کو گلے لگا لیا۔ ماں بچے کی تڑپ دیکھ کر اُدھار پر پینٹ لائی لیکن تب تک بہت دیر ہو چکی تھی۔اورپھرمیرا ثقلین ہمیشہ کےلیے روٹھ گیا