ٹھٹھہ :کوہستانی پٹی اور دیگرعلاقوں میں زمین کے ریکارڈ میں رودبدل، کھاتوں کی بحالی کے لیے لاکھوں روپے رشوت طلب

ٹھٹھہ ،باغی ٹی وی (نامہ نگار راجہ قریشی)کوہستانی پٹی اور دیگرعلاقوں میں زمین کے ریکارڈ میں رودبدل، کھاتوں کی بحالی کے لیے لاکھوں روپے رشوت طلب
تفصیل کے مطابق ٹھٹھہ کے کوہستانی اور دیگر علاقوں کے عوام سے ظلم کی انتہا کردی گئی زمینوں کے ریکارڈ میں ہیر پھیر کھاتوں کی بحالی کے لیے لاکھوں روپے کی رشوت کی طلب، رشوت لینے کے بعد بھی کئی افراد کو ریکارڈ کی بحالی کے لیٹرز جاری نہ ہوسکے ،ٹھٹھہ کے کوہستانی اور دیگر علاقوں میں کئی افراد اپنی زمینوں سے محروم ہوچکے ہیں شھید محترمہ بے نظیر بھٹو کی شہادت کے وقت جلنے والے ریکارڈ کی بحالی کا عمل۔ابھی تک برائے نام ہے کئی افراد محکمہ ریونیو سے اپنے ریکارڈ کی نئے سرے سے بحالی کے لیے محکمہ ریونیو کے چکر کئی سالوں سے کاٹ رہے ہیں اور یہ بھی اطلاعات ہیں کہ کئی گاؤں اور گوٹھوں کے لوگوں کی زمینوں پر بااثر افراد قبضہ کرکے کے بیٹھ گئے ہیں اور ریکارڈ بھی اپنے نام کروالئے ہیں کوہستانی علاقے میں زمینوں کے ریکارڈ میں سب سے زیادہ ھیر پھیر کی بہت زیادہ اطلاعات ہیں اور لوگوں نے یہ بھی الزام عائد کرتے ہوئے کہا کہ وہ اپنے ریکارڈ کی دوبارہ بحالی کے لیے لاکھوں روپے دے چکے ہیں اور آفس کے چکر لگالگا کر تھک گئے ہیں مگر ریکارڈ کی نئے سرے سے بحالی نہیں کی جارہی ہے واضح رہے کہ ریکارڈ میں ھیر پھیر کی شکایات چند سالوں سے عام ہیں مگر ابھی تک ان شکایات پر عمل نہیں ہوسکا ہے جبکہ کچھ دن قبل سوشل میڈیا پر قبضہ مافیا کے خلاف چلنے والی خبروں پر انتظامیہ نے سخت ایکشن لیا تھا اور کچھ زمینوں پر لگے قبضہ مافیا کے سائن بورڈز اور ناجائز تجاوزات گرادی تھی ٹھٹھہ ضلع کے عوام نے اعلیٰ حکام سے مطالبہ کیا ہے کہ زمینوں کے ریکارڈ میں ہیر پھیر کرنے اور قبضہ کرنے والوں کے خلاف سخت ایکشن لیا جائے اور قبضہ کی گئی زمینیں اصل مالکان کو دی جائیں