ٹھٹھہ:اپنے 4 ڈوبتے بچوں کو بچاتے ہوئے ماں دریامیں ڈوب کرجاں بحق
خاتون حاجرہ بی بی کے بچے دریائے سندھ میں نہاتے ہوئے ڈوب گئے تھے
ٹھٹھہ،باغی ٹی وی(بلاول سموں کی رپورٹ)اپنے 4 ڈوبتے بچوں کو بچاتے ہوئے ماں دریامیں ڈوب کرجاں بحق ہوگئی
ٹھٹھہ کے نواحی گاؤں امین جت میں ماں نے اپنے چار ڈوبتے بچوں کو بچانے کی کوشش میں اپنی جان کی قربانی دے دی
پولیس کے مطابق حاجرہ بی بی کے بچے دریائے سندھ میں نہاتے ہوئے ڈوب گئے، جنہیں بچانے کیلئے خاتون نے دریا میں چھلانگ لگا دی۔
پولیس نے بتایا کہ غوطہ خوروں نے چاروں بچوں کو تو بچالیا لیکن خاتون ڈوب کر جاں بحق ہوگئیں۔
جاں بحق خاتون کی شناخت حاجرہ کے نام سے ہوئی ہے۔ جن کی لاش ہسپتال میں ضروری کارروائی کے بعد ورثاء کے حوالے کردی گئی۔
