ٹھٹھہ (باغی ٹی وی ،نامہ نگار بلاول سموں) ثقافتی دن پر شاندار ریلی کا انعقاد،ایس ایس پی ڈاکٹر محمد عمران خان کی سربراہی میں پولیس اور عوام کی بھرپور شرکت
تفصیل کے مطابق سندھ کے ثقافتی دن کے موقع پر ایس ایس پی ٹھٹھہ ڈاکٹر محمد عمران خان کی سربراہی میں ڈسٹرکٹ پولیس اور ضلعی انتظامیہ کی جانب سے شاندار ریلی کا انعقاد کیا گیا۔ ریلی میں پولیس افسران، اہلکاروں، سماجی رہنماؤں، اساتذہ، طلبہ اور شہریوں نے اجرک پہنے جوش و خروش سے شرکت کی۔
ریلی پولیس ہیڈکوارٹرز مکلی سے شروع ہو کر مکلی غلام اللہ روڈ سے ہوتی ہوئی پبلک پارک مکلی پر اختتام پذیر ہوئی۔ شرکاء نے قومی گیتوں پر رقص کیا اور اپنی ثقافت سے محبت کا بھرپور اظہار کیا۔
ایس ایس پی ڈاکٹر محمد عمران خان نے ریلی سے خطاب کرتے ہوئے کہا کہ "سندھی ثقافت کا دن ہمارے لیے عید کی مانند ہے۔ یہ 5 ہزار سال پرانی تہذیب ہے اور ہمیں اس پر فخر ہے۔”
ریلی کا انعقاد آئی جی سندھ غلام نبی میمن اور ڈی آئی جی حیدرآباد رینج طارق رزاق دہاریجو کی ہدایات کے مطابق کیا گیا، جس میں ضلع بھر سے عوام نے جوش و جذبے کے ساتھ شرکت کی۔
