ٹھٹھہ :انٹرنیشنل ہیومن رائٹس موومنٹ کے عہدیداران کی ایس ایس پی سے ملاقات

ٹھٹھہ،باغی ٹی وی( نامہ نگار راجہ قریشی) انٹرنیشنل ہیومن رائٹس موومنٹ کے عہدیداران کی ایس ایس پی سے ملاقات
، انٹرنیشنل ہیومن رائٹس موومنٹ کے عہدیداران کی ایس ایس پی سے 21 دسمبر 2022ء کو محکمہ تعلیم کے ملازم کی گمشدگی کے بارے میں معلومات حاصل کرنے سمیت امن و امان کی صورتحال پر تبادلہ خیال۔
تفصیلات کے مطابق ٹھٹھہ گزشتہ کچھ روز قبل محکمہء تعلیم کے ملازم سید مہر علی شاہ کی گمشدگی کے بارے میں معلومات حاصل کرنے کے لئے اور امن و امان کی صورتحال پر تبادلہ خیال انٹرنیشنل ہیومن رائٹس موومنٹ ضلع ٹھٹھہ کے جنرل سیکريٹری ارشاد عمر گندرو، پریس سیکرٹری سید شیر علی شاہ کاظمی، سید دیدار علی شاہ اور دیگر موجود تھے 21 دسمبر 2022ء سے لاپتہ ہونے والے محکمہ تعلیم کے ملازم سید مہر علی شاہ کی تلاش کیلئے ایس ایس پی ٹھٹھہ عدیل حسین چانڈیو سے ان کی آفس میں ملاقات کی اور انہیں صورتحال سے آگاہ کیا جس پر ایس ایس پی ٹھٹہ نے ایس ایچ او جھمپیر اور ڈی آئی بی انچارج فیصل میمن کو بروقت ہدایت جاری کی ہے کہ وہ جدید ٹیکنالوجی سے تلاش جاری کریں ملاقات کے بعد صحافیوں سے گفتگو کرتے ہوئے ارشاد علی گندرو، سید شیر علی شاہ کاظمی نے کہا کہ ہم نے ایس ایس پی ٹھٹھہ کو تمام صورتحال سے آگاہ کر دیا ہے جس پر ایس ایس پی ٹھٹھہ نے جواب دیتے ہوئے کہا کہ یہ ہمارے فرائض کا حصہ ہے اور ہم ہر جدید طریقوں سے تلاش کر رہے ہیں اور انشاء اللہ جلد ہی واقعے تک رسائی ہو جائے گی۔

Leave a reply