fbpx

صرف کے پی میں‌27 لاکھ 70ہزار سیاحوں کی آمد،معیشت کو27ارب سے زائد کا فائدہ

پشاور:کپتان کے خوابوں کی تعبیرہونے لگی:عید پر27 لاکھ 70ہزار سیاحوں کی آمد، مقامی معیشت کو 27ارب سے زائد کا فائدہ ،اطلاعات کے مطابق پاکستان کے سیاحتی علاقوں میں عید کے دوران 27 لاکھ70ہزار سیاحوں کی آمد سے مقامی معیشت کو 27ارب سے زائد کا فائدہ ہوا۔

تفصیلات کے مطابق پاکستان میں عید پرسیاحوں کی آمد کے حوالے سے رپورٹ اور اعدادوشمارجاری کردیئے گئے اور اس حوالے سے وزیراعلیٰ ٰخیبرپختونخوا نے رپورٹ وزیراعظم عمران خان کو پیش کردی۔

رپورٹ میں بتایا گیا ہے کہ سیاحتی علاقوں میں عیدکےدنوں میں27لاکھ70ہزارسیاحوں کی آمد ہوئی، کثیرتعداد میں سیاحوں کی آمد سے 66ارب سے زائد کا کاروبار ہوا۔

دستاویز میں کہا گیا ہے کہ سیاحوں کی آمدسے مقامی معیشت کو27ارب سےزائدکافائدہ ہوا، عید کے دنوں میں 10 لاکھ50سے زائدسیاحوں نےسوات کارخ کیا جبکہ گلیات میں 10لاکھ،کمراٹ میں ایک لاکھ20ہزار سیاحوں کی آمد ہوئی۔

اسی طرح کاغان میں7 لاکھ سےزائد جبکہ چترال50ہزارسیاحوں کی آمدہوئی، عیدچھیٹوں میں7لاکھ20ہزارگاڑیاں سیاحتی علاقوں میں داخل ہوئیں، اس دوران دنوں میں مقامی لوگوں کےروزگاروآمدن میں اضافہ ہوا۔

ادھرذرائع کےمطابق وزیراعظم عمران خان نے شمالی علاقہ جات ، گلگت بلتستان ، آزادکشمیر،مری سمیت دیگرعلاقوں میں پہنچنے والے سیاحوں کی تعداد اوران کی آمد سے معیشت کوہونے والے فائدے کی رپورٹ بھی طلب کرلی ہے

وزیراعظم کواس موقع پربتایاگیاہےکہ 27 ارب روپے سے زائد آمدنی صرف کے پی حکومت کے زیرکنٹرول علاقوں میں ہوئی ہے باقی دیگرپاکستان سے اگراعدادوشماراکٹھے جائیں تومعیشت کو پہنچنے والا فائدہ ایک کھرب سے زائد ہوسکتا ہے