fbpx

گرمی ختم کرنے کے لیے مصنوعی بارش نے سب کو حیران کردیا

دوبئی :گرمی ختم کرنے کے لیے مصنوعی بارش نے سب کو حیران کردیا ،اطلاعات کے مطابق غیرملکی خبر رساں ادارے کے مطابق متحدہ عرب امارات میں درجہ حرارت کو کم کرنے کے لیے مصنوعی بارش برسادی۔

محکمہ موسمیات کے مطابق پچھلے چند دنوں‌سے دبئی کے مختلف علاقوں میں درجہ حرارت 50 ڈگری سینٹی گریڈ تک پہنچ گیا تھا۔

اس کے لیے حکام نے ڈرون ٹیکنالوجی کا سہارا لیا جس نے بادلوں کو الیکٹرک شاک کے ذریعے قریب لانے اور بارش برسانے کے لیے متحرک کیا۔

بارش کی ویڈیو یو اے ای کے محکمہ موسمیات کی جانب سے شیئر کی گئی۔

جاری کردہ ویڈیو میں دیکھا جاسکتا ہے کہ یہاں اس طرح بارش ہورہی ہے جیسا کہ مون سون کے سیزن کے دوران ہوتی ہے۔

اس حوالے سے محکمہ موسمیات کا کہنا ہے کہ اس سارے عمل میں انھوں نے جس تکنیک کا استعمال کیا ہے وہ ’کلاؤڈ سیڈنگ‘ کے نام سے جانی جاتی ہے۔ اس کا مقصد اس امید کے ساتھ کنڈینسیشن کو بڑھانا ہے تاکہ بادل بارش برسائے۔