برطانوی وزیراعظم نے افغان طالبان کی حکومت کوتسلیم کرنے کا اشارہ دے دیا
(FILES) In this file photo taken on March 20, 2016 Britain's Foreign Secretary Boris Johnson (C) and British ambassador to Afghanistan Dominic Jermey (R) visit the British cemetery in the Afghan capital Kabul. - British Prime Minister Boris Johnson will seek to recall parliament next week from its summer break over the developing crisis in Afghanistan, domestic media reported on Sunday, August 15. (Photo by MOHAMMAD ISMAIL / POOL / AFP) (Photo by MOHAMMAD ISMAIL/POOL/AFP via Getty Images)
لندن: برطانوی وزیراعظم نے افغان طالبان کی حکومت کوتسلیم کرنے کا اشارہ دے دیا ،اطلاعات کے مطابق برطانوی وزیر اعظم بورس جانسن کا کہنا ہے کہ طالبان کو ان کے الفاظ سے نہیں بلکہ اقدامات سے جانچیں گے۔
برطانوی وزیراعظم نے افغانستان سے متعلق پارلیمنٹ میں بیان دیتے ہوئے افغانستان میں دھماکوں کے باوجود انخلا کا مشن جاری رکھنے کی تعریف کی۔
اس موقع پر بورس جانسن نے افغانستان میں خدمات سرانجام دینے والے فوجیوں کی ذہنی حالت کیلئے 30 لاکھ پاؤنڈ اور فوجیوں کی چیریٹی کیلئے 50 لاکھ پاؤنڈ کا اعلان کیا۔انہوں نے کہا کہ افغانستان میں رہ جانے والے افراد کو نہیں بھولیں گے اور برطانیہ آکر آباد ہونے والوں کی ہر ممکن مدد کریں گے۔
برطانوی وزیراعظم کا کہنا تھا کہ ہم طالبان پر زور دے رہے ہیں کہ انخلا کے خواہش مندوں کو محفوظ راستہ دیں اور انسانی حقوق کا خیال رکھیں جب کہ طالبان کو ان کے الفاظ سے نہیں بلکہ اقدامات سے جانچیں گے۔
انہوں نے مزید کہا کہ افغانستان سے اب بھی 312 افراد انخلا کیلئے منتظر ہیں، ہم ان افراد کے افغانستان سے محفوظ انخلا کو یقینی بنائیں گے۔بورس جانسن نے کہا کہ مغرب نےافغانستان میں یقینی بنایا کہ لڑکیاں اسکول جائیں اور دہشتگرد حملے نہ ہوں۔
Leave a reply
