fbpx

کرونا وائرس نے بڑی شخصیت کوشکارکرلیا

اسلام آباد :کرونا وائرس نے بڑی شخصیت کوشکارکرلیا ،اطلاعات کے مطابق تحریک انصاف کے اہم رہنما و رکن اسمبلی کورونا میں مبتلاہوگئے ہیں‌

ذرائع کے مطابق پی ٹی آئی رکن قومی اسمبلی صداقت علی عباسی کا کورونا ٹیسٹ مثبت آگیا۔ٹوئٹر پر جاری بیان میں صداقت علی عباسی نے لکھا کہ کورونا کی شدید علامات ہیں ڈاکٹرز نے ‏آرام کا کہا ہے، تمام متاثرین کورونا پراللہ پاک اپنا کرم فرمائیں۔

 

صداقت علی عباسی نے اپیل کی کہ کوروناسےمتعلق ایس اوپیزپرعملدرآمدکویقینی بنایا جائے۔

ملک میں کرونا وبا اس قدر تیزی سے حملہ آورہورہی ہے کہ چند دن پہلے وزیراعظم عمران خان، صدر مملکت عارف علوی سمیت دیگر اہم شخصیات کرونا میں مبتلا ہوئے، وزیراعظم عمران خان تو کرونا وبا کو شکست دے چکے تاہم صدرپاکستان ان دنوں قرنطینہ میں ہیں تاہم وہ مکمل طور پر تندرست ہیں۔

کروناوبا کی نئی لہر کے باعث آج وزیراعظم کے مشیر برائے پارلیمانی امور بابر اعوان بھی کرونا وبا میں مبتلا ہوگئے ہیں۔سماجی رابطے کی ویب سائٹ ٹوئٹر پر جاری اپنے بیان میں بابر اعوان نے بتایا کہ کرونا کی ہلکی علامت ہیں، ٹیسٹ مثبت آنےکےبعد خود کو قرنطینہ کرلیا ہے، گھر سےہی کام جاری رکھوں گا

دوسری طرف این سی او سی کی طرف سے تمام پاکستانیوں سے درخواست کی گئی ہے کہ وہ احتیاط سے کام لیں اورحکومت اورماہرین طب کی طرف سے جاری ہدایات پرعمل کریں

جواب چھوڑیں

آپ کا ای میل ایڈریس شائع نہیں کیا جائے گا.