اسلام آباد: کیوبن سفیرکی وفاقی وزیرکے حوالے سے ٹویٹ،اہمیت اختیارکرگئی ،اطلاعات کے مطابق پاکستان میں تعینات کیوبا کے سفیر نے وفاقی وزیر برائے منصوبہ بندی کے بیان کو تضحیک آمیز قرار دے دیا ہے۔
تفصیلات کے مطابق کیوبا کے سفیر جیویئر کیرو نے سماجی رابطے کی ویب سائٹ ٹوئٹر پر اپنے ردعمل کا اظہار کرتے ہوئے کہا کہ "خوش قسمتی سے احسن اقبال کی لاہور میں پریس کانفرنس میں کیوبا کا تضحیک آمیز ذکر پاکستانیوں کی کیوبا کے لیے اصل احترام اور گہری انسیت کی نمائندگی نہیں کرتا۔‘
Fortunately, Minister Ahsan Iqbal's (@betterpakistan) disrespectful mention of Cuba in his press conference in Lahore does not represent and has nothing to do with Pakistanis' true respect and deep affection for Cuba. https://t.co/7LrB6u453k
— Zéner Caro (@ZenerCaro) April 25, 2022
کیوبا سفیر کا تنقیدی ٹوئٹ پر احسن اقبال پھر حرکت میں آئے اور انہوں نے ایک ٹویٹ میں انہیں مخاطب کرتے ہوئے کہا کہ ’ہم کیوبا کے لوگوں اور کیوبا سے اپنے دوستانہ تعلقات کا احترام کرتے ہیں، ہم پاکستان میں دو ہزار پانچ کے زلزلے کے بعد کیوبن ڈاکٹروں کا شاندار کردار بھلا نہیں سکتے۔
اپنے بیان کی وضاحت دیتے ہوئے وفاقی وزیر کا کہنا تھا کہ ان کا بیان خارجہ پالیسی کے تناظر میں تھا۔
واضح رہے کہ لاہور میں ایک پریس کانفرنس کے دوران وفاقی وزیر احسن اقبال نے سابق وزیراعظم عمران خان پر تنقید کرتے ہوئے کہا تھا کہ ان کے دور حکومت میں پاکستان کے دیگر ممالک کے ساتھ تعلقات خراب ہوئے تھے۔تقریر میں احسن اقبال کا کہنا تھا کہ وہ پاکستان کو کیوبا یا شمالی کوریا نہیں بننے دینا چاہتے۔
وفاقی وزیر کے بیان پر سوشل میڈیا صارفین نے سخت ردعمل کا اظہار کیا اور انہیں آڑے ہاتھوں لیا۔