fbpx

ملک کا دفاع جنگجو فوج کے ہاتھ میں ہے:ان فرزدان ملت پرفخرہے :وزیراعظم

راولپنڈی: وزیراعظم عمران خان کا کہنا ہے کہ پاک فوج نے دشمنوں کے سازشی منصوبے ناکام بنائے ہیں، ملک کا دفاع جنگجو فوج کے ہاتھ میں ہے۔

پاک فوج کے شعبہ تعلقات عامہ (آئی ایس پی آر) کے مطابق وزیراعظم عمران خان نے کمانڈ اینڈ اسٹاف کالج کوئٹہ میں فوج کے شرکا سے خطاب کیا اور ملکی صورت حال اور دشمن کی سازشوں پر روشنی ڈالی۔

آئی ایس پی آر کے مطابق وزیراعظم نے قانون کی عملداری، وسیع تر احتساب اور انصاف کے وژن پر بھی روشنی ڈالی۔

 

وزیراعظم نے کہا کہ ایک قوم بن کر اسلامی اصولوں کے مطابق ریاست آگے بڑھ سکتی ہے، قائد اعظم، علامہ اقبال کے نظریات کو حقیقت بنانے کے لیے سخت محنت کرنا ہوگی۔

عمران خان نے کہا کہ حکومت نے ہر شعبے میں ترقی کے لیے بھرپور کوششیں کی ہیں، زراعت، صنعت، ٹیکنالوجی اور آٹو میشن کے لیے مربوط اقدامات اٹھائے گئے ہیں، افسران ناکامی کے ڈر کو بالائے طاق رکھتے ہوئے اپنے خوابوں کو حقیقت بنائیں۔

جواب چھوڑیں

آپ کا ای میل ایڈریس شائع نہیں کیا جائے گا.