fbpx

ڈپٹی کمشنر نے دیا اہم پیغام

شیخوپورہ(محمد فہیم شاکر سے )ڈپٹی کمشنر محمد اصغر جوئیہ نے کہا ہے کہ مون سون بارشوں کے دوران ڈینگی مچھروں کی افزائش روکنے کے لئے اپنے گھروں اور محلوں میں پانی کھڑا نہ ہونے دیں،تمام سرکاری محکمے سرویلنس کا عمل تیز کریں اور دفاتر کی عمومی صفائی کو یقینی بنائیں
انہو ں نے یہ بات اپنے دفتر میں ڈینگی مچھروں کی افزائش روکنے کے لئے ہونے والے جائزہ اجلاس سے خطاب کرتے ہوئے کہی جس میں سی ای او ہیلتھ، چیف آفیسر تحصیل کونسل اور متعلقہ محکموں کے افسران نے شرکت کی انہوں نے افسران پر زوردیا کہ وہ دفاتر کی مکمل صفائی کو یقینی بنائیں اور کہیں بھی صاف یا گندہ پانی کھڑا نہ ہونے دیں انہوں نے عوام میں ڈینگی سے متعلق شعور اجاگر کرنے کے لئے آگہی مہم چلانے کی بھی ہدایت کی اور کہا کہ عوام کے تعاون کے بغیر ڈینگی مچھروں کی افزائش روکنا نہ ممکن ہے، ڈپٹی کمشنر نے کہا کہ محکمہ صحت کی ٹیمیں باقاعدگی کے ساتھ مختلف مارکیٹوں،کھلی جگہوں،قبرستانوں،پارکس اور دوسرے پبلک مقامات کی مانیٹرنگ کر رہی ہیں تا کہ ڈینگی کے خطرے کو روکا جائے
انہو ں نے سرکاری محکموں کے افسران سے اپیل کی کہ وہ اپنے اپنے دفاتر میں ہونے والی تمام اینٹی ڈینگی سرگرمیوں کو ڈیش بورڈ پر بھی اپ لوڈ کریں۔

جواب چھوڑیں

آپ کا ای میل ایڈریس شائع نہیں کیا جائے گا.