حکومت اور اس کے ادارے کرونا کے حوالے سے سچ نہیں بول رہے ،ڈاکٹرسعید الہٰی

لاہور:حکومت اور اس کے ادارے کرونا کے حوالے سے سچ نہیں بول رہے ،ڈاکٹرسعید الہٰی ،اطلاعات کے مطابق پاکستان ریڈ کریسنٹ سوسائٹی کے سابق چیئر مین اورمعروف سیاسی وسماجی کارکن ڈاکٹر سعید الہی نے کہا ہے کہ حکومت کورونا کے حوالے سے پہلے دن سے جھوٹ بول رہی ہے جبکہ محکمہ صحت میڈیا کے ذریعے عوام کوکمرہ کرنے کےلئے کچھ اور اپنے وزیر اعلی کو کچھ اور بتاتا رہاہے

ٍڈاکٹرسعید الہٰی نے انکشاف کیا کہ جس کی وجہ سے لاہور سمیت پنجاب بھر میں کورونا کیسز بڑھ گئے ہیں میڈیا کے نمائندوں سے گفتگو کرتے ہوئے ڈاکٹر سعید الہی نے کہا کہ حکومت اور محکمہ صحت کی نااہلی کی وجہ سے آج صورتحال یہ ہے کہ لوگ کورونا کو ایک مذاق سمجھ رہے ہیں جس کی وجہ سے ڈاکٹروں نرسز اور دیگر ہیلتھ پروفیشنلز پر تشدد کے واقعات بڑھ گئے ہیں ،

انہوں نے کہا کہ وی آئی پیز کی بجائے ڈاکٹروں اور ہسپتالوں کے تحفظ کے لئے پولیس اور رینجرز تعینات کی جائے تاکہ تشدد کے بڑھتے ہوئے واقعات کو روکا جا سکے انہوں نے کہا میں پہلے دن سے کہ رہا ہوں کہ نیازی حکومت کورونا کے حوالے سے عوام کے ساتھ جھوٹ بول رہی ہے جس کا نتیجہ آج یہ نکلا ہے کہ محکمہ صحت پنجاب عوام کو کچھ اور اعداد وشمار بتاتا رہا اور وزیر اعلی کو کچھ اور بتایا گیا مگر میڈیا نے یہ بھانڈا توڑ دیا ہے جس کے بعد اصل حقیقت کھل کر سامنے آگئ ہے ۔

انہوں نے عوام سے اپیل کی ہے کہ وہ اپنے آپ کو گھروں تک محدود رکھیں کورونا سے بچیں ماسک کا استعمال ضرور کریں کیونکہ حکومت انہیں صحت کی سہولیات فراہم کرنے میں ناکام ہو چکی ہے