حکومت آئی ایم ایف کو خوش کرنے کے لئے عوام کی چیخیں نکال رہی ہے،شیری رحمان

بجلی کی قیمتوں میں اضافہ ہونے پر شیری رحمان کا کہنا ہے کہ 3 دن میں 3 بار بجلی کی قیمت میں اضافہ قابل تشویش ہے۔ فروری کے بلوں میں 6 روپے فی یونٹ کا اضافہ ہوگا، کیا اس حکومت کا کوئی احتساب کرنے والا نہیں؟ پیپلز پارٹی کی حکومت میں سموسے کی قیمت میں اضافے پر عدالت نوٹس لیتی تھی، موجدہ حکومت ہر روز منی بجٹ پیش کر رہی، کیا اس نااہل حکومت کی جوابدہی نہیں بنتی؟ حکومت کی نالائقی اور نااہلی کی قیمت عوام کو ادا کرنی پڑ رہی، حکومت آئی ایم ایف کو خوش کرنے کے لئے عوام کی چیخیں نکال رہی ہے، آئی ایم ایف کی قسط حاصل کرنے کے لئے روز قیمتیں بڑھائی جا رہی ہے۔مہنگائی کی سونامی نے عوام کا جینا مشکل کر دیا ہے۔