fbpx

عدالت میں طلاق کےلئےآئی بیوی کو شوہرنےگلا کاٹ کرقتل کردیا

باسن :بھارتی ریاست کرناٹکا میں شوہر نے عدالت میں بیوی کو گلا کاٹ کر مار دیا۔اطلاعات کے مطابق ریاست کرناٹکا کے ضلع ہاسن کے شہر ہولیناراسی پور کی فیملی عدالت میں شیواکمار (Shivakumar) اور اس کی بیوی چائیترا (Chaitra) کے درمیان طلاق کا معاملہ زیر غور تھا۔

عدالت نے حسب روایت شادی کو بچانے کے لیے دونوں کو ایک اور موقع دیا تھا۔ جوڑے نے کونسلنگ سیشن کے دوران اپنے اختلافات کو بھول کر پھر سے نئی شروعات کرنے پر رضامندی ظاہر کی تھی۔

 

میاں بیوی قتل کا ڈراپ سین ، قاتل کون نکلا پولیس نے پتہ لگا لیا

 

شیوا کمار نے اپنی بیوی چایئترا پر اس وقت حملہ کیا جب وہ عدالت کے واش روم گئی، شیوا کمار بیوی کے پیچھے گیا اور وہاں اس نے تیز دھار آلے سے بیوی کا گلا کاٹ دیا۔

 

جائیداد کا تنازعہ پر شوہر نے بیوی قتل کر دی

 

واردات کے بعد ملزم نے فرار ہونے کی کوشش کی لیکن عدالت میں موجود افراد نے اسے پکڑ کر پولیس کےحوالے کردیا جب کہ چائیترا کو شدید زخمی حالت میں اسپتال پہنچایا گیا جہاں علاج کے دوران اس کی موت ہوگئی۔پولیس نے ملزم شوہر شیوکمار پر اپنی بیوی کے قتل کے الزام میں ایف آئی آر درج کرلی ہے۔

 

بدکرداری کا الزام لگا کر اپنی بیوی کو قتل کرنیوالا سفاک شوہر گرفتار

 

پولیس حکام کا کہنا ہے کہ یہ واقعہ عدالت کے احاطے میں پیش آیا۔ ہم نے ملزم کو اپنی تحویل میں رکھا ہے۔ مزلم کے قبضے سے وہ ہتھیار بھی برآمد کرلیا گیا ہے جس سے قتل کیا گیا، معاملے کی تفتیش کے دوران بات بواضح ہوگی کہ کونسلنگ سیشن کے بعد کیا ہوا، اور شیواکمار عدالت کے اندر ہتھیار کیسے حاصل کرنے میں کامیاب ہوا۔