پاکستان،چین سےبھارت دشمنی کھیل کےمیدانوں‌تک لےآیا :انڈین پریمیرلیگ پاکستان اورچین میں ٹیلی کاسٹ نہیں ہوگی

دبئی :انڈین پریمیرلیگ (آئی پی ایل) پاکستان اور چین میں ٹیلی کاسٹ نہیں ہوگی،اطلاعات کے مطابق آئی پی ایل کے آغاز میں اب ایک ہفتہ سے بھی کم کا وقت رہ گیا ہے، کووڈ 19 کی وجہ سے لیگ متحدہ عرب امارات میں ہوگی، میچز خالی سٹیڈیمز میں کھیلے جائیںگے ۔

تفصیلات کے مطابق آئی پی ایل کا یہ 13 واں ایڈیشن پاکستان اور چین میں ٹیلی کاسٹ نہیں ہوسکے گا اور نہ ہی اسکی سٹریمنگ ممکن ہوگی ۔ آئی پی ایل منتظمین کے مطابق سیاسی و بارڈر کشیدگی کے سبب اس سال آئی پی ایل پاکستان اور چین میں ٹیلی کاسٹ نہیں ہوگی ۔

آئی پی ایل 120 سے زائد ممالک میں براہ راست ٹیلی کاسٹ ہوگی ذرائع کے مطابق ابھی تک یہ واضح نہیں ہوسکا کہ پاکستان اور چین خود سے ٹیلی کاسٹ نہیں کر رہے اور یا پھر ان ممالک کو سہولت دی نہیں جائیگی ۔ تاہم ایک تیسرے ملک میں منعقد ہونے کے بعد بھی اگرپاکستان اورچین ٹیلی کاسٹ نہیں کریں‌تو یقینا اس کی بڑی وجہ خطے میں کشیدہ صورت حال ہے ،

یاد رہے کہ بھارتی کرکٹ بورڈ کے زیراہتمام انڈین پریمیر لیگ (آئی پی ایل) کا 13 واں ایڈیشن متحدہ عرب امارات میں 19 ستمبر سے شروع ہوگا، انڈین پریمیر لیگ کے فائنل سمیت تمام میچز یو اے ای کے 3 مقامات دبئی، شارجہ اور ابوظہبی میں کھیلے جائیںگے، لیگ کا فائنل میچ 10 نومبر کو کھیلا جائیگا اور لیگ میں فائنل سمیت 53 میچز کھیلے جائیںگے۔

یاد رہےکہ یہ ٹورنامنٹ انتظامیہ کے مطابق یہ ایونٹ رواں سال 29 مارچ سے بھارت میں شیڈول تھا لیکن عالمی وبا کورونا وائرس کی وجہ سے 15 اپریل تک ملتوی کر دیا گیا تھا۔ ہندوستانی وزیر اعظم نریندر مودی کے 14 اپریل کو اس اعلان کے بعد کہ بھارت میں لاک ڈاون کم ازکم 3 مئی 2020ء تک جاری رہیگا، بی سی سی آئی نے ٹورنامنٹ کوغیر معینہ مدت کیلئے معطل کردیا۔

اب ذرائع کے مطابق 2 اگست 2020ء کو اس بات کی تصدیق ہوگئی کہ یہ ٹورنامنٹ 19 ستمبر سے 10 نومبر 2020ء کے درمیان متحدہ عرب امارات میں کھیلا جائیگا۔

جواب چھوڑیں

آپ کا ای میل ایڈریس شائع نہیں کیا جائے گا.