لاہور:ایکشن سے بھر پور فلم ”دی لیجنڈ آف مولا جٹ“ کا ٹریلر ریلیز کردیا گیا ہے ۔اس سلسلے میں بتایا گیا ہے کہ ہدایت کار بلال لاشاری اور پروڈیوسر عمارہ حکمت کی ایکشن سے بھر پورفلم ”دی لیجنڈ آف مولا جٹ“ کا ٹریلر آج دوپہر دو بجے ریلیز کیاگیا ہے
فلم نے ریلیز سے قبل ہی ہر طرف دھوم مچا رکھی تھی ، پاکستان کی مہنگی ترین فلم لاشاری فلمز، انسائیکلو میڈیا اور ٹرپل اے موشن پکچرز کے بینر تلے تخلیق کی گئی ہے۔
”جیو فلمز“ کے اشتراک سے یہ فلم 13 اکتوبر کو ملک اور بیرون ملک ایک ساتھ ریلیز کی جائے گی۔
پاکستان کی شہرہ آفاق پنجابی فلم ’مولا جٹ‘ کا ری میک ورژن ’دی لیجنڈ آف مولا جٹ‘ کم سے کم چار سال کے انتظار کے بعد بالآخر ریلیز کردیا گیا ہے۔
فلم دی لیجنڈ آف مولا جٹ کے ڈائریکٹر بلال لاشاری نے بدھ کے روز فوٹو اور ویڈیو شیئرنگ پلیٹ فارم انسٹاگرام پر فلم کی ریلیز کے حوالے سے اعلان کیا تھا۔
ان کے مطابق ’دی لیجنڈ آف مولا جٹ 13 اکتوبر کو ریلیز کی جائے گی۔‘
یہ فلم 1979 میں سلطان راہی اور مصطفٰی قریشی کی ریلیز ہونے والی مشہور زمانہ پنجابی فلم مولا جٹ کا جدید ری میک ہے۔ بلال لاشاری نے ٹوئٹر پر لکھا کہ ’13 اکتوبر 2022 کو سنیما میں آ رہی ہے۔‘
Coming to Cinemas on October 13th, 2022#TheLegendOfMaulaJatt #MaulaJatt2022 #Fawadkhan #HamzaAbbasi #Mahirakhan #Humaimamalick #Farisshafi #Aliazmat #Goharrasheed #BilalLashari #AmmaraHikmat pic.twitter.com/Pprqxi18rO
— Bilal Lashari (@blashari) August 10, 2022