والٹ ڈزنی کا 2019 کی لائیو ایکشن ریمیک فلم ‘دی لائن کنگ’ کا سیکوئل بنانے کا اعلان

امریکی معروف اسٹوڈیو والٹ ڈزنی نے 2019 کی لائیو ایکشن ریمیک فلم ‘دی لائن کنگ’ کا سیکوئل بنانے کا اعلان کردیا۔

بای ٹی وی : جنگل کے بادشاہ شیر، اس کی بیوی شیرنی اور ان کے ہاں پیدا ہونے والے نئے بچے ‘سمبا’ کے گرد گھومنے والی کہانی پر مبنی فلم کو ابتدائی طور پر 1994 میں ریلیز کیا گیا تھا۔

‘دی لائن کنگ’ 1994 میں اتنا مقبول ہوئی تھی کہ فلم نے اس زمانے میں بھی ایک ارب ڈالر کی کمائی کی تھی۔

خبر رساں ادارے رائٹرز کے مطابق ڈزنی کی 2019 کی لائیو ایکشن فلم ‘دی لائن کنگ’ کے سیکوئل کی ہدایات آسکر ایوارڈ یافتہ بیری جینکنس دیں گے۔

نئی فلم میں بھی 2019 کی فلم میں استعمال کی گئی فوٹو ریئلسٹک ٹیکنالوجی کا استعمال کیا جائے گا جس سے سیکوئل فلم بھی لائیو ایکشن کی طرح دکھائی دے گی۔

نئی فلم میں 2019 کی فلم جیسی ٹیکنالوجی شامل کی جائے گی ، جس نے عالمی باکس آفس پر 1.7 بلین کمایا اور اس میں میوزک بھی پیش کیا جائے گا۔

ہدایت کار بیری جینکنس نے فلم کی ہدایات کے لیے اپنے انتخاب پر خوشی کا اظہار کرتے ہوئے بیان جاری کیا کہ وہ مذکورہ فلم کو دیکھ کر بہن اور بھائیوں کے ساتھ بڑے ہوئے۔

بیری جینکنس کے مطابق وہ جس فلم کو دیکھ کر جوان ہوئے اب وہ اسی فلم کی ہدایات دیں گے اور یہ بات ان کے لیے کسی اعزاز سے کم نہیں۔

جینکنز نے کہا کہ "ڈزنی کے ساتھ دوستی ، محبت اور میراث کی اس شاندار کہانی کو وسعت دینے کے موقع پر کام کرنے کا موقع ملنا جبکہ افریقی ممالک میں رہائش پذیر لوگوں کی زندگیوں اور جانوں کے کام کو آگے بڑھانا ایک خواب ہے۔”

ابھی یہ واضح نہیں کہ والٹ ڈزنی کب تک ‘دی لائن کنگ’ کے سیکوئل پر کام کا آغاز کرے گا تاہم خیال کیا جا رہا ہے کہ رواں برس کے اختتام تک فلم کے کام کا آغاز کردیا جائے گا اور ممکنہ طور پر اسے آئندہ سال تک ریلیز کیا جائے گا۔

پہلی فلم کی کہانی ایک شیر، اس کی بیوی شیرنی اور ان کے پیدا ہونے والے سمبا نامی بچے کے گرد گھومتی ہے اور 2019 میں جاری کی گئی فلم میں بھی سمبا کی پیدائش کو دکھایا گیا تھا۔

اب خیال کیا جا رہا ہے کہ سمبا کو جوان ہوتے یا بادشاہ بنتے دکھایا جائے گا تاہم اس حوالے سے کچھ بھی کہنا قبل از وقت ہے۔