قبرستان سے ملنے والی گلا کٹی لاش کا معمہ حل، مرکزی ملزم گرفتار

حیدرآباد:ایس ایچ او انسپیکٹر عمران رشید شیخ کی SIP سیف اللہ گل اور دیگر اسٹاف کے ہمراہ کامیاب کاروائی

گزشتہ دنوں لطیف آباد نمبر 9 میں قائم قدیم قبرستان ماکھن شاہ میں ایک شخص کی گلا کٹی نعش برآمد ہونے کی اطلاع پولیس کو موصول ہوئی جس پر B-سیکشن پولیس نے بروقت وقوعہ پر پہنچ کر لاش کو پولیس تحویل میں لیکر جائے وقوعہ کا جائزہ لیتے ہوئے شواہد اکھٹے کرنے شروع کردیے

ابتدائی تفتیش کے مطابق فوتی کی شناخت اکرم ولد نذیر احمد راجپوت سے ہوئی جوکہ پیشے سے گورکن تھا اور قبرستان کے قریب کوٹھڑی میں رہائش پذیر تھا

ایس ایچ او تھانہ B-سیکشن اور SIP سیف اللہ گل نے اس بلائنڈ مرڈر کیس کی باریک بینی سے تفتیش کی اور دوران تفتیش تمام تر وسائل کو بروئے کار لاتے ہوئے بالآخر اس واردات میں ملوث مرکزی ملزم بنام اشہد سواتی پٹھان کو گرفتار کرلیا

گرفتار ملزم نے اپنے ابتدائی بیان میں قتل کی اس واردات کا اعتراف کرتے ہوئے بتایا کہ میں اور میرا ساتھی فوتی سے 1 لاکھ روپے رقم لوٹ رہے تھے تو مزاحمت اور شور مچانے پر ہم نے فوتی کا قتل کردیا اور موقع سے فرار ہوگئے

بی سیکشن پولیس نے قتل کی اس واردات کا مقدمہ فوتی کے بھائی محمد اعظم کی مدعیت میں درج کرلیا123/2022 u/s 302,34 PPC گرفتار ملزم سے مزید تفتیش جاری ہے