قومی کرکٹ ٹیم نے پاکستان واپس آنے کا فیصلہ کرلیا

0
26

جمیکا قومی کرکٹ ٹیم نے پاکستان واپس آنے کا فیصلہ کرلی،اطلاعات کے مطابق قومی کرکٹ ٹیم نے لمبی کرکٹ کھیلنے کے بعد پاکستان واپس لوٹنے کا فیصلہ کرلیا ہے ، ادھر قومی کرکٹ سکواڈ آج ویسٹ انڈیز کے کامیاب دورے سے پاکستان کے لیے روانہ ہوگا۔

کرکٹ سکواڈ کے ارکان جمعرات اور جمعہ (27 اگست) کی درمیانی شب لاہور ائیرپورٹ پہنچیں گے ، قومی ٹیم پہلے جمیکا سے پاکستان آنے کے لیے لندن جائے گی ۔ قومی ٹیم کے 4 کھلاڑی اظہر علی ، لیگ سپنر یاسر شاہ ، پیسر محمد عباس اور نسیم شاہ فی االحال وطن واپس نہیں آئیں گے۔

یاسر شاہ اور نسیم شاہ کیریبین پریمیئر لیگ (سی پی ایل) میں شرکت کے لیے اینٹیگا روانہ ہوگئے جب کہ عباس اور اظہر علی بالترتیب ہمپشائر اور سمرسیٹ کی جانب سے کاؤنٹی کرکٹ کھیلنے کے لیے لندن میں قیام کریں گے۔ واضح رہے کہ پاکستان نے چار میچوں کی ٹی ٹونٹی سیریز 1-0 سے جیتی جب کہ دو میچوں کی ٹیسٹ سیریز 1-1 سے برابر کر دی

Leave a reply