جرائم پیشہ عناصر کے خلاف جاری کریک ڈاؤن کو مزید تیز کیا جائے،سی سی پی او عباس احسن

پشاور میں سی سی پی او عباس احسن کی سربراہی میں ملک سعد شہید پولیس لائن میں ضلع بھر کے پولیس افسران کیساتھ کرائم ریویو میٹنگ کا انعقاد کیا گیا.
خصوصی میٹنگ میں چیف ٹریفک پولیس افسر عباس مجید خان مروت، ایس ایس پی پریشنز یاسر آفریدی، ڈی پی او خیبر، کمانڈنٹ کیمپس، ایس ایس پی انو سٹی گیشن، ڈویژنل ایس پیز اور دیگر افسران نے شرکت کی۔

سی سی پی او عباس احسن کا کہنا ہی کہ اندرون شہر کے حساس ترین پوش علاقوں سمیت نواحی علاقوں میں جرائم پیشہ عناصر کے خلاف جاری کریک ڈاؤن کو مزید تیز کیا جائے۔ مختلف جرائم میں ملوث افراد کی فہرستیں مرتب کرکے ان کے خلاف ایکشن جبکہ عادی جرائم پیشہ اور جیل سے رہا شدہ افراد کی کڑی نگرانی کے عمل کو مزید مربوط بنایا جائے تاکہ کسی بھی فرد کے کسی جرم میں ملوث ہونے پر سخت ایکشن کو یقینی بنایا جا سکے۔